 |
| 琴日無開閃燈同達達影相做個record, 佢D毛毛點會一日之間從天而降吖 :( |
天氣預測話下週轉涼, 就快快手同3隻豬沖涼喇, 以前少落街跑, 我多數一個月先同佢哋沖一次涼; 自從搬咗嚟呢度, 同佢哋出去多咗, 3星期已經係極限喇, 再唔沖摸上去都感覺到毛質總唔乾爽!
達達豬沖涼一向都最合作, 依家佢D毛咁薄, 好快就吹乾啦; 就搵佢嚟打頭陣, 唔想咁快就將精力耗乾! 跟住係豆B然後波波喇, 將難度一步步提升; 3隻豬沖涼, 敷泥, 再吹乾毛毛都用上唔少時間, 咁就無咗大半日啦, 預計明日我就會腰酸背痛, 無辦法啦如果自己唔做, 比人沖佢哋會好緊張,唔好睇輕呢個壓力對佢哋有好大影響架!
琴日朋友帶咗貓貓出去沖涼就出事喇, 貓貓番到屋企唔肯尿尿, 亦顯得非常緊張; 朋友立刻帶貓貓去見醫生, 點知醫生話貓貓膀胱好脹, 而且肛門仲又紅又腫, 要麻醉留院插喉放尿, 真係好地地都會攪出禍殃!
3隻豬如果比人沖涼, 佢哋會好攰, 咁都係寧願我一個人攰, 換佢哋3個唔駛咁慌張啦 :)老公同工人姐姐話達達好似毛毛有好轉喎, 其實係沖咗涼嘅錯覺, 我無再抱有希望啦, 總之繼續做我應做嘅事幹, 結果係點都唔再理喇, 一於明日愁來明日當啦!
 |
| 肚仔同胸前毛毛快無晒喇! |
 |
| 喺光線下成個輪廓出晒嚟, 見到粉色肉肉喇! |
 |
| 相片連結 今日沖涼相 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
