 |
| 今日大家一齊出去透番啖氣 |
今日得悉網主A已於中午送狗狗往彩虹橋, 結束佢12年嘅生命, 一隻有長期病患嘅狗狗, 都已經算係高齡; 難過免不了, 希望網主A可以早日平復心情!
呢件事又挑起我心中嘅刺, 回想當年我叻叻只係活到十歲, 當醫生叫我放手, 點解我仲要堅持? 係都要延醫診治!
我為咗自己嘅不捨, 而無企喺佢嘅角度去感受, 點解唔可以比佢舒舒服服咁走,仲要日日帶佢睇中醫? 點解我唔可以放開去睇? 要咁自私, 係都要佢繼續受苦, 拖住唔肯比佢離去???
個心好唔舒服, 見到網主寫每一句懷念語句, 都好似用個槌喺我個心鑿落嚟! 一方面欣賞佢偉大無私嘅決定, 另一方面又為自己過去嘅自私慚愧, 唔想再係屋企屈住鬱住, 要出去透吓氣, 決定同3隻豬仔度個行程!
出發前同波波達達先服花藥, 今日都唔算多狗狗, 波波就選擇性咁吠, 我都唔再執著, 由得佢表達佢意願出嚟!
幾隻豬仔今日都好開心, 可能困咗幾日喇, 連兩隻女都好enjoy咁博命跑到唔願番歸!
 |
| 波波跑到索氣 :) |
 |
| 達達密密腳咁行! |
 |
| 連豆b都博命咁跑! |
今日遇到見慣見熟嘅貴婦狗狗, 佢身上包上紗布, 慢步向我哋行過嚟; 我唔想波波整到佢喇, 放番波波上車仔, 問主人發生乜事!
原來係遇上放繩狗, 果隻我好怕嘅Husky, 就係咁比佢咬咗喇, 好彩都救得快, 傷口唔大!
不過隻貴婦都係無拖繩嘅, 要第一時間拖番都唔容易, 但又唔係每個人都會經一事長一志, 今日主人都係照舊比狗狗自由行!
佢話本來唔想帶佢落街, 因為都有個傷口, 但狗狗習慣出外便便, 唔出去都唔得, 希望佢會睇好狗狗啦, 再有意外就雪上加霜喇!
放繩狗!!! 被咬嘅又唔驚, 去咬嘅又唔管, 都係靠自己一眼關七, 自求多福喇!!
 |
| 另一隻放繩狗,不過豆b唔駛戴黃絲帶, 隻狗又唔大, 我哋都唔驚! |
 |
| 睇相都見到, 豆B連企都要爭先架! |
 |
| 張張相都見隻豆一定要超前企頭位, 達達唔順氣呀 :) |
 |
| 波波就嚟鬧鬼佢喇! |
 |
| 達達終於搶番上前 |
 |
| 不枉出去呢轉, 3隻豬都好開心! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
