 |
| 達達, 陪我玩陣好無? |
今日一早起身, 個心就囉囉戀喇, 因為約好下午要去見牙醫啦; 雖然我係好怕好怕, 但我性格都有樣好, 無論遇到乜嘢問題, 我又唔會逃避嘅, 都算敢於面對, 反正都一定要解決架啦!
即使喺養狗狗方面, 我自問從來都無將佢哋嘅病痛問題拖吓拖吓!
下午到咗牙醫診所, check吓隻牙, 原來係之前補牙果舊材料鬆咗, 有空位令到飲食有時會接觸到神經線, 唔怪得痛到我跳起啦; 牙醫同我車走舊有敷料再補過, 不過佢話隻牙都唔逃得過杜牙根呢個厄運, 補番都係睇下頂得幾耐久啦; okok, 唔一定立刻要做, 咁都係遲D先喇!!
今日無同D豬仔出去喇, 由得佢哋係屋企玩吓啦; 自從豆b嚟咗, 每次達達同波波玩耍佢都要加入, 達達就唔玩架喇; 波波又係都要煩住達達同佢玩, 達達會發脾氣架!
有時見到佢哋相處嘅模式好得意, 好似一隻追住一隻玩, 但又圍唔番一round(豆B->波波->達達) :D
今日放波波同達達上床, 等佢哋兩個玩吓, 達達好情緒化嘅, 唔係一定肯陪波波玩啦, 不過今日佢好有mood喎, 好耐無見過佢哋玩得咁開心喇 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
