 |
| 希望３隻豬仔每日都咁開心，笑容滿面！ |
今日工人姐姐放假, 咁我同3隻豬仔都休息一日, 今日唔跑街喇!
留喺屋企同3隻豬仔拋下波仔, 喺度兩頭跑吓, 佢哋已經好開心啦; 其實狗狗要求真係好簡單, 只要主人陪住佢哋, 就已經滿足晒, 即使我唔同佢哋玩, 只要我坐低落嚟近住佢哋, 佢哋都會好主動行埋嚟, 係咁將自己個頭個身"lui"住你, 好鬼好玩!
其實養住呢3隻豬仔真係好開心嘅, 佢哋真係帶比我好多好多講唔出嘅快樂同滿足感覺, 雖然為咗佢哋身體有事擔足驚怕, 但講到底都係要睇自己感受喺呢種得失之間, 無可能話驚佢病就唔養, 自己都會有病, 唔通為咗怕病就唔做人咩 :)
 |
| 總係差少少, 達達後腳仍係唔肯"腳踏實地" |
達達豬生毛唔知仲有無希望, 網上研究話好多狗狗經歷幾年時間後, 都有可能生番, 呢個症最衰就無公式去跟進, 每隻狗狗, 甚至每個階段都會唔同, 做咗我要做嘅都只有等喇, 但見到達達心情唔錯, 明顯比去年有進步, 咁都值得開心啦!
 |
| 達達肯主動離開圍欄行吓出嚟, 已經叻咗好多喇! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
