 |
| 波波留喺我床上休息！ |
今朝餵完3隻豬仔食早餐, 無幾耐波波就嘔番晒出嚟喇, 午餐我無比佢食, 等佢個胃休息吓啦; 唔知點解呢排會咁, 達達早幾日都嘔過, 係天氣轉變影響咗?
我又無改變過佢哋嘅食糧, 達達都可以話佢食得急, 帶動咗太多空氣入肚, 但波波食嘢一向都好斯文, 慢慢食, 無理由會嘔架喎?
諗嚟諗去係見佢食完早餐去咗飲水, 可能飲咗過多卦, 我一向都唔想佢哋食完嘢飲咁多水, 佢哋又唔係食乾糧, 唔需要一食完嘢飲水嘛, 飲太多水沖淡D胃液有礙消化, 希望隻仔係呢個原因啦!
 |
| 好彩仲有精神玩！ |
天氣開始轉涼, 達達毛毛又越嚟越薄, 食咗咁多不同嘅補充品對佢都無幫助, 我都好惘然; 究竟仲應唔應該繼續食落去?抑話無效又要再做改變呢? 其實我都唔知應該再食咩嘢喇！
都明白呢個脫毛症係無得治瘉, 咁係咪乜都唔食, 就咁由得佢越嚟越差??? 開始好似企喺十字路口, 唔知何去何從!
人同動物都係一樣, 有生命嘅都係難逃生老病死, 最感無助只係無得醫, 睇住情況越嚟越壞! 樂觀去睇呢個症對身體無礙, 唔會受任何痛苦, 咁都要睇得開啦!
近來都開始同佢著番件薄薄嘅衫仔喇, 希望佢唔會冷親啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
