 |
| 3隻豬仔心情都好靚 :) |
一連幾日都追住個寵物網, 見到網主A仍有上去同大家分享, 詳細交代佢仔仔嘅病狀, 仲話會繼續分享有關狗狗糖尿病經驗, 會對大家繼續幫忙!
好一個堅強嘅媽媽, 拿得起放得下, 我要好好學習呢種積極嘅態度, 就算天陰但心中都要有陽光!
本來無諗住星期日同3隻豬仔出去, 因為太多狗狗, 好難控制; 又因為隻poodle被咬, 對放繩狗加深恐懼, 真係怕一個不留神, 會傷害咗3隻豬仔, 但琴日見佢哋出去真係好開心, 番到屋企都特別開胃, 咁都係決定帶佢哋出去!
我揀咗正午出動, 呢個係午飯時間, 應該唔會咁擠擁, 狗哋照理都未開始出巡 :) 還好依家已經秋涼, 不單唔熱仲好好風, 咁正午出去都無所謂 :) 落到街真係唔見有其他狗狗, 咁我快快比佢哋落地跑餐飽啦!
 |
| 跑快D, 依家無其他狗狗呀！！! |
 |
| 達達豬要爭取時間呀, 1,2,3 go go go !!! |
 |
| 豆b, 快D啦, 快D跑呀!! |
3隻豬一隻接一隻咁跑咗一圈, 都差唔多時間喇, 同佢哋上番車仔, 再上平台兜多個round啦, 因為天氣真係太好喇, 吹住涼風真係好舒服, 就等佢哋睇耐D街街啦, 今日3隻豬心情極靚呀 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
