天氣開始涼, 適合煲一D清潤湯水, 琴日見街市有椰子賣, 就加埋海底椰 ,紅蘿蔔同粟米, 煲咗呢個湯!
上次煲椰子湯我無要D椰子水, 但朋友話加埋一齊煲好D喎, 咁今次就盛番起佢用埋啦; 朋友話要將椰子肉切薄片煲湯先會出味, 今次又試吓, 味道真係無得頂呀, 好香甜!
材料:
老椰子: 要買有埋椰衣包住嗰種先好味架! 椰子營養豐富，可解渴祛暑、生津利尿、主治熱病，其果肉有益氣、祛風、驅毒、潤顏的功效。椰子含有醣類、脂肪、蛋白質、維生素B族、維生素C及微量元素鉀、鎂等，能夠有效地補充身體的營養成分，提高機體的抗病能力，擴充血容量等。
海底椰: 海底椰以清燥熱、治療肺熱久咳功效顯著而聞名，且具有滋陰補腎、潤肺養顏、強壯身體機能的作用; 更可清心安神, 可治熱病之後, 餘熱未清, 虛煩不安, 失眠多夢等症。
而科學化驗的結果，發現海底椰含有豐富的多醣和人體所需的氨基酸，的確有保健作用。紅蘿蔔: 含豐富纖維素及硒元素, 並富含蛋白質, 脂肪, 碳水化合物, 維他命及鈣, 磷, 鐵等礦物質. 可預防血管疾病, 糖尿病, 能控制癌細胞異變, 提升免疫功能. 紅蘿蔔還具平衡血壓, 幫助血液循環, 淨化血液, 促進新陳代謝及強化肝臟機能的功用.
粟米: 含有豐富的糖分、蛋白質、維生素A、維生素B1及B2等營養，這些營養元素對身體的生理活動十分重要。粟米有健脾開胃, 祛濕及利尿的功效,另外，粟米含有豐富的黃體素，可促進眼睛健康和預防高血壓.
瘦肉: 提供優質蛋白質和必需的脂肪酸, 提供血紅素, 促進鐵的吸收, 能改善缺鐵性貧血。
蜜棗3粒, 南北杏適量(要比狗狗飲湯的話, 先盛起再落杏仁呀),
煲1.5 - 2小時.
