無事忙嘅麻煩事

雖然剪得唔靚但都見整齊咗嘅!

 以為過咗9月會無咁忙, 因為已經忙完生日同中秋節要同佢哋影相嘛 :) 但阿女話佢哋中秋節嘅相D毛好長好亂, 睇番又真係唔靚靚啦;  琴日同佢哋沖完涼又試下操刀自己同對twins剪毛喇, 達達....嗚嗚嗚, 達達無得剪喇 :(

剪毛呢樣嘢真係好唔容易好辛苦呀, 兩隻嘢仲要好唔合作, 係都要爬低;  呢D錢都係唔容易賺,不過自己剪嘅好處係唔駛佢哋企咁耐, 佢哋又無咁緊張, 當然自己修吓又可以隔耐少少先搵姐姐上門剪嘛, 雖然係剪得唔靚, 但都無咁零亂嘅嘅, 又慳番一次錢啦, 哈哈哈 !!

忙完呢樣又要忙第二樣喇, 呢樣真係幾麻煩! 之前我blog嘅相冊都係linked to fb, 咁方便大家可以成個完整相簿咁睇相嘛, 點知fb無聲無息咁改咗個setting, 咁放上嚟嘅album 所有link都變成空白..... 原本都知網上一切唔太穩陣, 尤其係唔駛比錢嘅, 點會有免費午餐! 

呢件事觸發我真係要back up番自己寫嘅嘢,  雖然呢D唔係文學鉅著, 但對我嚟講都係值得留低嘅, 每一篇都係我一隻隻字咁記錄低我寶貝嘅生活日記, 日後再睇自己都可以回味一番 :)

原來唔覺唔覺都寫咗咁多篇喇, 真係無可能一時三刻會攪掂晒, 唯有慢慢嚟啦!
仲有就係日後點放相? 對我呢D電腦白痴又係一個大難題, 不過阿女話寫blog係娛樂, 並我係我嘅職業, 應該放輕鬆D, 太大壓力就失去原意喇; 咁唯有等我慢慢整, 不過真係好麻煩 :(

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！