人生真係好多挑戰, 好多嘢要擔心, 好多嘢會驚!
我之前牙痛問題, 又番嚟搵我, 終於今日的起心肝去杜牙根!
琴晚擔心咗成晚, 真係好怕坐上嗰張牙醫預備比你嘅寶座 :(
今次呢個牙醫我之前未睇過嘅, 但聽聞杜牙根做得唔好都有後遺症, 好麻煩; 新年期間同姐姐們聚會, 講起呢個問題, 佢介紹咗呢個牙醫比我; 佢話好多年前佢都有同樣問題, 呢個牙醫做得好好, 佢一直都喺呢度睇!
抱住大無畏精神, 唔再逃避, 有問題都係要徹底解決啦; 今日到咗約定時間, 到達牙醫診所, 一入去見到牙醫, 同佢傾咗幾句, 個心就定晒!
呢個牙醫解釋詳細, 和藹可親之餘仲非常好手勢, 我完全無絲毫不適, 係完全無問題, 雖然呢種療程要去幾次, 但我再無閉翳 :)
 |
| 大家互勉! |
又嚟再updated 吓達達BSD disease 生毛嘅進展情況, 我都係keep住如常咁幫佢, 每日用神奇水按摩, 有見到佢之前全禿嘅地方, 有新生咗毛髮, 但好短好幼, 緊貼喺皮膚上面, 真係好似換bb毛嗰時咁樣!
雖然進度好慢, 但有咗一層薄薄嘅毛蓋住皮膚, 就無咁容易受感染喇; 佢身上仲有零星嘅黑點, 但就無好似以前咁大大噠黑色素沉著, 有明顯好轉啦!
同達達豬再調較過佢嘅膳食, 加多咗少少肉肉, 佢體重有回升喇, 不過我都唔會大幅度增加, 波波嘅case教我唔係食得多就好架, 所有嘢都要適中!
 |
| 箭嘴所指嘅地方, 全都生番毛毛 |
 |
| 不過毛毛好細好幼, 緊貼住皮膚 |
 |
| 之前禿嘅地方都生左細毛喇! |
 |
| 相信要正常生番晒都要等一段長時間 |
今日喺black skin disease in pomeranians群組睇到之前有BSD成功生番毛嘅松松走咗呀, 雖然並唔認識佢, 但切切實實有一種心痛嘅感覺!
可能佢交代狗狗患病延醫嘅過程, 同叻叻相近啦; 佢有講及狗狗之前咳, 睇獸醫食咗藥, 以為有好轉, 但最後呼吸困難, 終於都走咗喇, 另一獸醫話係斷錯症, 食得過重嘅藥.....點解天下烏鴉一樣黑?
一個無heart嘅獸醫, 無當狗狗係一個寶貴嘅生命看待, 帶比佢哋主人有幾深幾重嘅痛, 佢哋可唔可以唔好咁輕率?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
