嚇到失魂!

今日波波行先!

如常帶3隻豬仔出去, 明知今日週末外面一定多人, 由屋企出去又要行上一段路, 都唔放波波落車喇, 怕咗佢見到D細路又係度嘈, 抱住就算佢吠起上嚟, 都可以第一時間制止到; 咁工人姐姐推住豆b同達達, 就齊齊出發去散步!

雖然今日係週末, 但無想像中咁多狗狗, 不過行人就好多, 波波對一般路人無咩反應, 所以佢都行得好輕鬆, 兩隻豬女就坐住開蓬車, 喺到遊車河; 以前喺馬路邊我都會落咗個蓬, 不過最近我就選擇開蓬扣帶, 等佢哋唔駛咁焗, 反正限制到佢哋動作唔會太大, 我覺得都幾唔錯; 不過我都嚴守自己原則, 過馬路一定放番低個蓬!!

基本尊重

再咁樣佢下次一定遇到 :D

今日同D豬仔出去散步, 遇到個衰人!

今日如常咁拖住波波向前行, 通常都係我行前面, 工人姐姐推住車仔殿後, 由佢負責話比我知, 背後有無狗狗嚟緊, 所以我無留心身後有呢幾個人; 點知突然有個女人, 從後面行埋波波身邊, 伸起隻腳就撩向波波, 當時波波震咗一震, 我見到真係好唔開心; 唔好話用隻著住鞋嘅腳咁逗佢下巴, 就算無啦啦突然伸隻手埋嚟, 我都會覺得好迄突, 你就話見佢得意先玩吓嗟, 但咁會令到我D仔女好唔開心!

再見主人 - 轉載

一首好令人動容嘅歌，養狗狗嘅你聽後有否百般滋味？


對著被遺棄的牠們，真的沒有什麼可以做到，只有用我最擅長的
東西，去為牠們寫一首屬於牠們的詞。更希望大家能明白，珍惜
牠。養寵物之前請想一想，拋棄動物是可悲，虐待動物更加可恥!

別哭，現在最重要的是，好好愛護牠！


「當你打我時請記得，我其實擁有可以咬
碎你手骨的尖銳牙齒，我只是選擇不咬。」 - Jim Willis

「只因無論你怎樣對我，我也永遠愛著你。」 - 孤泣

季節性候群

３隻爛瞓豬仔！

今日又同3隻豬仔出遊, 達達豬除咗D毛毛唔聽話外, 其他真係越嚟越好! 諗番初時帶佢出去, 一放佢落地就坐低, 跟住嘗試用零食誘導, 佢都只係可以學行一, 兩步; 慢慢佢信心漸強, 行得都算好好, 當然同一般狗狗相比, 佢仍然有空間進步; 今日同佢散步途中, 遇到隻西施過嚟同佢表示友好, 點知隻豬女出番辣妹嘅態度, 對住狗哋又吠又跳, 真係好耐都無見到! 雖然我知咁樣係唔好, 但比較起初期有狗狗聞佢, 佢都只係頭沓沓唔敢面對, 又好開心佢再進咗一步!

遊樂場玩耍

無被束縛當然好開心啦!

近日天氣好好, 有陽光但唔太猛烈, 兼且仲有涼風; 今日又帶3隻豬仔出去, 每次拎條拖帶出嚟, 達達都好雀躍, 相反波波就有D退縮, 睇佢唔係唔鍾意去街, 係同豆B一樣, 佢係唔鍾意上帶!
但呢個係唔可以妥協嘅issue, 唯有每次上帶都行短途, 慢慢習慣番先再加長時間啦!

今日同3隻豬仔喺街上行咗一陣, 就同佢哋上番平台, 過往經驗喺週日午間都好少有人出現, 我可以選一個無人嘅地方, 放繩比佢哋跑一陣; 不過都要自己做足準備, 帶埋尿片鋪地, 等佢哋有需要時候, 都唔好整到公共地方有難聞嘅氣味; 一般我都只會逗留十多分鐘, 或者見到有人出嚟散步, 就會打道回府!

內服加外用嘅寵物補充品 - pet OPC

早兩日同加國回港嘅姐姐會面, 拎咗托佢買比達達豬嘅一套沖涼用品, 真係好多謝佢咁遠水路同我帶返嚟, 仲唔肯收我錢喎😜; 佢同達達講, 話姨媽搵咗好多間shop先買到㗎, 希望佢繼續用落去有好效果啦!
達達豬真幸運, 得到咁多關愛, 加上有內服嘅補健品, 內應外合, 身體健康得以改進, 毛髮生長就有信心啦!

勁過天文台

出發!!

今朝一早就聽到豆b乞嗤乞嗤喇, 佢真係仲勁過天文台, 每逢天氣有轉變, 不論係氣溫, 濕度, 佢都會用乞嗤第一時間話我知; 敏感呢樣嘢就係麻煩, 煩在無法根治! 

一陣要同佢做霧化治療, 唔可以比佢症狀加深, 有鼻塞佢會好辛苦; 雖然做咗都係治標不治本, 但求佢舒舒服服, 總勝過靠藥物控制!

達達豬便秘

沖完涼影張大合照!

今日同3隻豬仔沖涼, 蜱虱活躍嘅季節, 我會選用8.0死海泥潔毛啫喱, 因為佢注明有14天防牛蜱嘅功效, 雖然証實唔到係咪真係有用, 但心理上就覺得多咗一重保障.

今次只係用喺對twins身上, 達達仍然繼續療程, 都係用番dermagic, 不過3隻豬都有敷扶養泥, 因為用咗呢個效果好明顯, 毛毛係睇得到光滑同明亮咗, 而達達處於呢個咁惡劣嘅時期, 更加唔可以免去呢個保養, 因為佢毛毛已經去到好差嘅程度!

Puppy Lullaby- 轉貼

this really works!

膝關節異位PATELLAR LUXATION - 轉貼

膝關節異位於獸醫骨科學上之定義為膝蓋骨從正常的解剖位置往內側或外側移位，由遺傳學上看來膝關節異位可視為一種隱性多基因的先天遺傳性疾病，但有時後天的創傷亦會造成病況的發生。
膝關節異位為犬類後膝關節最常見的疾病之一，常發生於小型犬科動物上，例如貴賓狗、約克夏、博美、吉娃娃 波士頓等品種；於貓科類動物並不常見。其中有75%的病患後膝關節會往內側移位，50%病患則是兩腳後膝關節皆有往內側移位之情形。

【椎間盤突出壓住神經線】之【腰椎椎間盤突出】- 轉貼

http://boston.sinababy.com/K/index.htm 

好多時聽D狗主話，狗狗整親條腰、扭親、後腳無力、行路好怪、生骨刺.....
其實，狗狗有可能係患上《椎間盤突出壓住神經線 - 腰椎椎間盤突出》

點解有D個病?

如果你所養既狗狗係北京、西施、臘腸、歌基、八哥、法國老虎及玩具貴婦，就要特別留意！
但當然，也有例外的品種！因為狗狗會發生D個病，通常與品種和遺傳有莫大關係！
狗狗的脊椎中有很多節椎間盤，而椎間盤內是含有一些稱為軟組織的物質(像o者喱般的物質)，
如果椎間盤內的軟組織提早老化，就會變得容易擠出椎間盤外壓住神經線！
而狗狗日常生活亦會加快軟組織老化 及 突出，例如：跳躍、上落樓梯、過度攝取鈣質　等....
而另一個情況，就是狗狗突然受到撞擊，令到椎間盤受到擠壓，都是成因之一！
如果情況嚴重的就要做手術！

幾時先有進步?

今日工人姐姐放假, 要我一個帶3隻豬出去有D難度, 尤其今日係週末, 天氣又好好, 可以預計街上一定好多狗狗, 一諗起波波又會激動, 我就遲疑起嚟!

望住窗外睛朗嘅天空,  真係唔想浪費咗咁好嘅陽光, 再者更唔應該避開問題所在, 都係決定同佢哋出去行吓, 最多唔好落地, 起碼可以遊吓車河, 晒吓太陽!

天氣反覆

好好陽光呀!

今日天氣回暖, 雖然潮濕又大霧, 但幸好陽光唔錯! 把緊機會, 同3隻豬仔出去行吓, 天氣預告又話下週轉涼, 近來天氣咁反覆, 再唔出動都唔知要等幾耐喇!

今日拎條拖帶出黎, 波波即刻走入床仔匿埋, 可能上次翻咗幾個跟斗, 有D陰影, 今日由得佢唔上繩啦, 遊下車河, 晒下太陽都唔錯喇!

融洽相處

因為豆b比較怕凍, 今日開始試吓加少少薑茸落佢兜肉肉度, 睇吓效果如何; 為怕佢唔鍾意嗰種味度, 所以灑咗D黑芝麻粉撈勻; 隻豬豆一D都唔抗拒, 照單全收; 希望加咗呢個配料, 真係可以幫到佢衡氣活血, 唔駛成日都要著住件衫啦!

呢幾日開始有比隻豬豆上床玩吓, 有時見到佢企喺地下望住波波同達達玩耍, 一副渴望參與嘅表情, 我個心就好不忍; 不過隻衰豬過去總係唔爭氣, 毫無先兆就突然尿床, 我真係怕鬼咗佢; 但既然達達都學識尿尿時會比signal我, 希望豆b都聽教聽話, 學識唔再喺床上尿尿啦!

頭腦簡單

灰濛濛嘅天氣, 攪到做乜嘢都提唔起勁; 天氣真係好影嚮人嘅情緒, 還好狗狗無被影嚮, 佢地要求好直接, 簡單, 總之食飽就瞓, 玩, 有人錫錫, 就乜都唔駛諗.
本來形容一個人頭腦簡單係一個貶義詞, 但套用落幾隻豬仔身上, 都係一種幸福!

達達可能係有食藥, 加上有服補充品嘅關係, 今次佢甩毛進展得好緩慢, 雖然明顯係無任何改進, 但望落都無去年咁令人頹喪; 希望只係時間關係, 再暖D會有好轉啦!

If I could speak - 轉載

狗狗, 唔好再問原因!
忘記過去嗰個唔珍惜愛護你嘅主人, 過去你真心錯付, 但唔好對人類失去信心; 願將來你會遇上一個對你不離不棄嘅主人, 可以有一個新生!

今年凍咗好耐呀!

豆b好努力吸氣

呢兩日真係比D網頁嘅upgrade版面玩死, 又無選擇權唔去新頁面, 我呢D電腦白痴真係想死! 好不容易先摸熟咗點去運作, 改一改就攪到我頭都大埋, 都唔知點解發佈咗嘅文章顯示唔到個標籤出嚟, 攪咗成晚都攪唔掂, 唯有投降放棄, 無奈!!!

發完一輪牢騷都要講番幾隻豬仔啦, 今年好似凍咗好耐咁, 無端端氣溫又跌番咁多, 都唔敢出去行街街喇; 松鼠狗氣管較弱, 醫生都叮囑小心佢哋吸入咗冷空氣, 好容易有上呼吸道問題,處理唔好就會引發氣管炎喇, 只好比佢哋冬眠啦, 真係瞓飽就食, 食飽又瞓, 咁都好嘅, 睡眠對佢哋健康好重要嘅!

Sad dog story - 轉載

每日都見到facebook有遺棄狗狗嘅post, 無論理由係幾咁冠冕堂煌, 但結果始終只有一個, 就係"你唔再愛佢"!

當然世事好難預料, 今日有能力養狗狗, 可能明日遭逢突變, 唔可以再同佢喺一齊; 但如果你視佢如家庭嘅一份子, 點會輕言放棄?

我只接納一個理由, 要離棄親愛嘅狗狗; 就係當生命都要離你而去, 你再無力挽留!

淮山杞子鱷魚肉燉湯-後加雞軟骨 (附豬仔為食相)

壓缩空氣霧化器

霧量唔大, 但我覺得比豆b用好足夠喇!
(相片顯示唔到真實霧氣大小, 真實係好ok嘅)

呢幾日好細心咁研究過超聲波同空氣壓縮兩種類型霧化器嘅分別, 結果係 - 我選擇咗空氣壓縮嘅型號!

呢兩種霧化氣, 各有各嘅好處; 超聲波嘅霧量較大, 而一般機種都可以自己調較霧量同風速大細, 如果要為狗狗自制一個噴霧治療箱, 將狗狗放入去, 我諗用超聲波果種較適合; 不過有一個考慮因素, 由於佢係利用電子震盪原理, 所以晶片容易損耗, 如果薄膜裂咗又要更換, 我覺得好麻煩; 我從來無用過呢類機款, 見到一般配件都較多, 仲要加水落又大杯, 又細杯, 頭都大埋; 我呢D機器白癡, 都係越簡單越好喇!

超可愛的便當 - 轉貼

真係做得好靚, 邊捨得食呀, 仲有3隻豬仔!

貓狗薑一番 - 轉貼

轉貼自寵物營養師 蘇菁菁http://www.cosmopolitan.com.hk/blog/834/blog-post/lifestyle/10689

 中醫認為，薑味辛，性溫，有發汗，散寒氣，健胃，止嘔，祛濕等功效。
西醫學方面，在八十年代，有位名為D. Mowrey 的科學家首次用薑進行了雙盲科學研究 (double-blind clinical study), 及後歐洲的草藥權威機構，Germany’s Commission E，亦承認薑對於消化不良及暈浪方面的療效。
依照我個人及客人（我的貓狗客人）的經驗，其實薑的功效，在用於人和貓狗是非常類似的。如你的貓狗寶貝有出現以下不適，可試試用薑來改善狀況：
暈眩（暈車浪，暈船浪），痾嘔（尤其是因為受寒濕困擾的痾嘔），脹氣，身體虛弱或感冒初起以致異常怕冷等…

波波翻跟斗

今日天氣好潮濕, 不過唔大風又唔凍, 都帶幾隻豬仔出去行街街啦!達達今日行得超好, 完全睇唔出有任何心理障礙, 步履平穩, 上住繩好enjoy咁行咗兩條長街!

豆b一如以往, 佢坐住車輪候時就呱呱叫, 輪到佢行呢就唔肯郁喇, 要一路用小食引誘; 不過佢可能唔鍾意上繩, 要拖住佢就唔肯行; 相反達達無咗條拖帶就好似無咗依靠, 行得唔係幾好喇!

日光浴

又做日光浴 !

難得今日天氣溫暖, 又有陽光, 梗係要同幾隻豬仔出去行吓, 晒吓太陽啦!
我睇過一D資料, 對於甩毛症, 喺外國係可以做物理治療, 用照燈嚟幫助, 又或者晒太陽都好; 最近天氣又濕又凍, 我等咗太陽伯伯好耐喇!

既然知道仲有其他辦法可以幫達達豬, 當然想盡力而為啦; 但我唔係專業物理治療師, 當然唔敢亂嚟, 照燈就免喇, 萬一灼傷就麻煩; 帶達達豬晒太陽係最正路嘅方法喇, 希望太陽伯伯多多幫忙, 唔好偷懶啦!
可能耐咗無出去, 當我拎架私家車出嚟, 佢哋都好興奮, 喺咁兩頭騰喇!

醫療噴霧器

估唔到個蒸面機仲有另一個效用

呢兩日得閒又上網睇下超聲波噴霧器嘅介紹, 因為豆b聞蒸氣後呼吸真係好咗, 又幫到佢無再猛打乞嗤, 睇嚟蒸氣治療真係幾有效嘅!

我最初比佢聞嘅蒸氣, 只係一般家居用嘅放濕機, 睇起嚟就好大霧氣, 但原來果D霧氣粒子比醫療上用嘅為大, 我諗只可以做到令佢喉嚨濕潤D, 舒服D, 但就幫唔到佢鼻敏感同打乞嗤喇; 後來街坊狗友教我用少少曼秀雷敦薄荷膏, 我就改用咗我美容嘅蒸面機, 咁又真係幫到佢喎, 不過呢部機噴出嚟係熱嘅蒸氣, 我好怕燙傷佢, 所以成日要用隻手試住個溫度, 又要抱住佢向住出氣口, 仲會整到週圍好多水氣, 都好麻煩!

賀爾蒙! - 轉貼

轉貼自: 一個獸醫的日記

何謂賀爾蒙 … 簡單來說, 所有生物都有兩個主要的溝通系統, 一個是神經系統, 一個就是賀爾蒙系統 …. 怎麼說呢, 當Makiyo在踹運將的時候, 她的腦要經過神經系統去控制她的腳去踹人, 但同一時間, 她的腳的肌肉並沒有接受到足夠的血糖來做大力踹人的辛苦工作 … 這時她的腎上腺素就會飆升, 讓血液中的血糖升高, 來提供足夠的血糖給肌肉使用, 另外加快心跳, 讓她有足夠的血壓來進行劇烈的運動! 這就是賀爾蒙的功用!

動物身體裡面有非常多種賀爾蒙, 每種賀爾蒙都用來調適不同的情況. 但總要有個指揮中心, 這就是腦下垂體 … 他可以說是賀爾蒙裡的總統, 而甲狀腺就是行政院長, 其他的腺體或多或少都是被這兩個地方所影響, 包括性賀爾蒙, 生長激素等 …

三豬連環圖(附加性格分析)

豆: 張床好舒服喎, 坐吓先!

琴日剪完毛同幾隻豬仔影咗幾張相, 睇睇吓發覺可以做個連環圖, 都唔算係憑空捏造架, 其實都係因應佢哋性格去編輯嘅!

養狗這回事 『原來也可以。』- 轉貼

一對TWINS 美容

約咗D姐姐今日上嚟同波波剪毛, 琴日又湊咗豆b番嚟, 一齊剪埋啦!

我上網搵咗D松鼠狗狗嘅相片比姐姐參考, 希望佢會做到我想要嘅效果; 結果佢算無令我失望, 佢做到同我理想嘅目標非常接近, 起碼有80%喇, 仲有果少少差異, 當然係自己狗狗嘅問題啦!

每一隻狗狗毛質, 毛量同型態都唔同, 效果係無可能做到100%同相片一樣, 我完全明白, 所以今次算係十分滿意喇; 姐姐話毛毛剪得唔多, 只係修齊整咗, OK啦, 呢個效果就係我想要嘅, 睇落好似波波嘛, 波波豬剪波波奘, 哈哈!

養狗這回事 『騎士道。』- 轉貼