微泡牛奶浴

van仔做帶氧微泡浴

FB睇到van仔媽媽嘅分享, 之前佢出過post話因為照咗廿幾張x-ray引至狗狗甩毛同皮膚黑晒, 佢會用另類治療,  如果成功生番毛毛, 就同大家分享過程!
終於揭盅喇, 原來van仔係做咗微泡牛奶浴, van媽話好work!



 
講開原來小狗TT, 佢都有做呢個牛奶浴, 效果良好, 出番好多毛毛; 生毛, 呢個係其中嘅一個重要元素!



其實一年前我已經有聽聞台灣嘅醫院有用水療醫治狗狗皮膚病, 有D好嚴重嘅個案都work, 咁啱達達嗰時又甩毛, 我當時都有提出嚟同Dr.H研究過, 因為無相識嘅人有案例參考, 就咁睇有D誇張, 好似沖吓涼就可以醫病, 有無咁神奇啊? 就不了了知喇!
 
 

 
今次timing又脗合, 達達毛質又開始變異, van仔個案提起呢個療法, 令我再次動心; 而van媽仲積極咁訂咗呢部浴機番屋企做, 咁應該真係好好喇, 如果可以幫到達達, 我都好想置番一部啊!
 
熟識我嘅朋友都知我性格心急, A同V都勸我再諗諗, 又或者出去美容店試做, 體驗吓效果先啦; 但我怕咗同其他狗狗共用一部機, 一陣惹到皮膚病就死喇! 

諗住部機諗到失眠, 一起身又上網search, 想盡量瞭解多D; 原來微泡除咗對皮膚毛髮好,  仲增加血含氧量, 可以關節保養; 咁3隻豬都用得著吖, 希望幫到波波背脊, 又幫到3隻豬關節健康 :)

我上網search過原來有好多牌子, van仔用嘅係有專業醫療用途嘅; 達達仲未有好差情況出現, 我應該會選擇另一個品牌嘅標準型號！

 

牛奶浴的好處 1.增加皮膚及毛髮的需氧量 2.促進新陳代謝 3.增加血液中的含氧量 4.增加肌膚及毛髮的保溼度 5.增加皮膚的光澤度 6.增加毛髮的柔順及光澤度 7.改善受損的髮質 8.促進血液循環 9.讓全身的細胞都得到氧氣 10.有效抑制寵物毛髮當中厭氧菌的滋生 11.空氣中負離子的濃度 12.使用後毛髮更蓬鬆，柔軟有彈性 13.舒緩皮膚過敏現象

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！