 |
| 相片連結 |
琴日先同達達沖咗牛奶浴, 今日對twins要暫停, 一來今日無食水供應, 二來又話個架嘅高度唔太適合, 影響咗微泡嘅密度反應; 如果想要效果完美, 最好將個高度降番低D; 諗咗咁耐先決定買部機, 梗係想效果更完美啦, 又要再訂過幾條支柱, 等速遞再送嚟!
訂咗個按摩梳, 今日收到即刻試用, 對twins無咩興趣, 但達達似乎受用落嚟 , 一路梳住佢慢慢瞓著咗:)
不過就梳咗好多毛毛出嚟, 睇見有D心痛, 但都要接受事實, 舊嘅唔去新嘅唔嚟; 甩毛無咩大不了, 只要更新無障礙, 唔好買少見少就OK :)
希望微泡浴可以幫到佢啟動番新陳代謝, 有良好嘅血液循環!
今日同3隻豬去街街, 比波波用新嘅花藥, 琴日將份量減半加落水度, 等佢慢慢適應, 今日出去之前就將半個份量直接餵佢,但佢完全無反應, 要吠嘅環境佢一樣照吠:(
下次要用番正常份量睇睇!
達達比上次行得較好, 但同之前有過嘅進度仍然偏離, 真係差咗喇, 用咗花藥都信心不足, 係健康有問題, 自從見佢又出現番不正常嘅分泌, 我都預咗喇!
每次情況都大同小異, 希望保住係咁唔會再出新嘅難題!
豆b今日氣管好番D, 行起上嚟都無再喘氣喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
