雖然太陽唔大, 都係戴番太陽鏡啦, 對twins眼仔麻麻; 豆b都好D, 唔會矇矇眼, 但眼水超多, 都唔係咁好啦; 波波仲差, 超敏感, 大風D, 光D都會矇眼 :(
由一歲開始就去vet度睇眼, 唔同vet都check咗好幾次, 都話無事, 希望純係敏感啦!
今日加多一滴花藥比波波, 比正常劑量都仲係少DD啦, 慢慢試吓; 因為今日無令佢刺激嘅環境, 佢好平靜, 測試唔到同花藥有無關!
豆b就一直都係平穩狀態, 只要佢氣管無事, 就無咩擔心啦, 行街街比D小食, 佢就好快樂喇!
今日達達令我好驚喜啊, 講出嚟真係好變態, 哈哈哈.......
今日達達喺街上開大, 真係天荒夜談!!!!
從來無預期佢有咁嘅進步, 繼之前喺街上尿尿, 又有大躍進喇:)
今日行得唔錯, 可能環境令佢放鬆啦; 唔同時段出去影響都好大!
同達達行行吓, 迎面見到一位女士, 佢停低同我講話佢明白黃絲帶嘅作用, 佢都有狗狗, 都有綁㗎, 可惜無人明白啦!
我話繼續堅持自己先做起啦, 起碼你我明白, 因為呢條黃絲帶, 你都無令我狗狗受驚嚇!
好開心再次有人提起黃絲帶, 希望以後會更多人認識啦!
番到屋企同3隻豬清潔完, 再同對twins試吓用新梳按摩, 豆b好快瞓咗; 波波嘛, 一開始緊張到番晒白眼, 還好, 慢慢都relaxed咗喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
