 |
| 達達等緊見醫生 |
一早起身就兩頭騰, 從來都唔覺時間過得咁慢, 幾時先到食晏時間? 食完中午餐要準備同達達豬去街街, 不過....今次佢一定覺得唔好玩!
多謝Mi同A都比我支持, 都有pm我仲要喺同一時間, 夾到咁啱!
當然佢哋分析達達情況比較中立, 一向都有話"旁觀者清, 當局者迷"啦; 但另一方面, 達達情況我最清楚, 佢哋係聽我描述, 而我觀察達達, 係用我雙眼, 我係有理由咁擔心㗎!
無可否認同佢哋傾完, 個心係比較安樂, 當自己徬徨無助, 係好需要有人support啦; 我希望......情況一如佢哋所講, 達達豬只係扭傷!
達達從來都唔會跳, 行都好斯文, 但近來佢信心增加, 會由廳跑入房, 又會由房跑出廳; 當我沾沾自喜達達唔使再依賴地氈, 來去自如終於有希望, 卻原來每次佢都係拼盡氣力, 好似唔理生死存亡; 佢咁亂衝亂撞, 會唔會因咁扯傷? 只要唔好係椎間盤突出壓住神經線, 就萬事好商量!
 | |
|
 |
| 一條地氈路由廳伸入房 |
 |
| 真係唔想有機會佢因咁受傷 |
同老公談及呢個可能性, 老公話咁為達達豬鋪條地氈路, 等佢唔使行得咁狼忙啦!
老公真係好鍚達達, 達達豬你要叻叻, 一陣睇醫生結果唔好令我哋失望啊!
行唔安坐唔落, 都係早D出發!
見到Dr.H, 同佢傾咗一陣, 佢都解釋咗一D可能性, 用手觸診, 都覺得膝蓋差, 佢話如果達達合作, 就照兩張X-Ray睇吓, 最唔想用到鎮靜劑啦; 不過達達咁惡死, 成功機會唔大喇!
過咗一陣, 佢抱番達達出嚟, 佢話達達出乎意料咁乖, 佢跌眼鏡喇!
照出結果係唔好啦, 膝蓋, 髖關節, 胸椎腰椎都有異常, 我暈喇！
佢建議達達去睇專科, 佢話呢個醫生享負盛名, 好好架, 佢會幫到達達!
Dr.H話根據張X-Ray, 達達所有內臟器官都好靚, 心肺都好, 脾, 肝, 腎都正常,膀胱無石, 氣管同腸都粗大強壯, 係一個健康嘅身體; 保守估計佢只行咗佢一生一半嘅路, 如果唔理佢, 佢日後會去到好痛, 生活質素好差; 萬一要做手術都係為佢好, 大家都唔想見到達達豬以後唔識行!
我千萬個唔想做手術啊, 我仲有無得揀? 越諗越想喊 😢
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
