天氣麻麻, 成日想落雨, 又好似凍咗D, 今日好似大家都無mood出街, 3隻豬仔縮吓縮吓咁瞓晒覺喇!
豆b對天氣轉變超敏感, 已經開始打乞嗤, 即刻拎張Angry Bird床仔出嚟同佢換季, 等佢怕凍時就匿入去啦!
達達雖然開始甩毛, 毛質係差咗但毛量仲有番咁上下, 唔覺佢怕凍; 波波比較正常, 之前感覺佢毛毛薄咗, 可能真係天氣熱, 近來覺得佢毛毛厚番少少喇!
 |
| 將呢度修低D, OK晒:) |
唔出街就開始做吓手作仔啦, 之前買咗幾條背心帶, 唔改唔用得嘛; 未改之前著咗上身, 好頂頸呀, 好似人家頸部受傷戴住個頸箍咁, 睇落好似透氣好難, 一直放埋未有心機修改, 今日就拎出嚟改番好佢啦!
將頸位修窄剪咗一半出嚟, 試過都OK啦, 下次去街街可以用新拖帶喇:)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
