http://senham.com/simple_page.asp?sid=21
http://www.全生活.com/
見到達達毛毛開始羊毛狀, 驚佢嘅脫毛症又再番嚟, 早作好準備, 又用個新方法睇吓幫唔幫到佢!
因為TT同van 仔做牛奶浴都得到好成績, 我經過考慮後都決定買部機番嚟; 一來唔怕外面嘅美容店消毒得唔徹底, 二來喺自己屋企希望達達豬會relaxed D!
近日為咗比較各個牌子, 猛咁搵料猛上網 :)
塵埃落定, 終於選好咗我心儀嘅SPA機, 過兩日就會送嚟; 選呢個牌子當然價錢高低係好大關係, 而其中仲有一個重要因素, 係有香港代理, 萬一有咩問題我希望會跟得好D!
要多謝van媽分享佢嘅經驗, 比我好多提點, 因為我選嘅同佢係唔同牌子, 佢提我要留意部機係咪有增氧效能, 呢個對皮毛康復好重要, 又提醒我要問清楚維修保養等問題添!
佢比咗我好多有用資料, 清楚詳細, 由好細微嘅地方到好多關鍵問題!
好衷心多謝各位, 即使有D我哋從未見過面, 你哋嘅關心我完全收到晒; 你哋都知我性格弱點, 心急到死, 怕我受騙 :)
因一部機見到咁多關心, 真係意料之外, 原來我都叫做有D人緣, 哈哈!
為咗呢部機擺放嘅位置, 又有新嘅難題, 原來要達到最佳效果,擺放部機嘅高低都有關係; 技述人員同我構通, 話唔好放得太低, 水向低流, 要逆流而上會有問題, 唔係唔得, 但效果一定有影響; 但我個廁所細細, 唔放地下我真係無計!
又要再做個部署, 因為我又唔想破壞咗個廁所嘅整體設計!
最後佢建議我可以靈活一D, 放喺一個有轆嘅架上, 可以用機嘅時候先推入去啦; 要配合得好, 效果先會完美; 咁都算易辦, 簡簡單單買個架仔啦, 都睇到一個合適嘅size, 但咁啱又未有存貨, 咁出機又要被迫延期!
多謝呢個代理解釋得好清楚, 所有結構, 原理, 都好詳細話咗比我知, 唔會只求賣出部機, 效果係咪最好都好少理!
閒談間佢講起廠家做咩起家, 點樣一步一步走到生產呢部機, 部機最主要嘅零件運作, 就係憑佢過去嘅經驗累積出嚟嘅拿手好戲!
同佢傾完感覺良好, 令我覺得係一個好嘅新開始; 希望售後服務都keep得咁好, 唔會完成交易就反轉豬肚!
時間過去, 真係日新月異, 以前治療唔到嘅脫毛症, 亦不斷有新嘅指示; 只要我唔放棄, 一定會搵到方法去幫達達豬 :)
煩完點放部機又要煩點放達達豬 :(
本來想就咁放水落浴缸, 但又怕浮力太大佢會兩頭盪, 會嚇驚佢; 於是又買個啱size嘅膠箱, 再買張浴缸墊放箱底, 應該坐落都舒服, 又唔會感覺空盪盪, 希望咁就OK!
完成一切部署, 依家就等個架同部機番嚟 :)
-vert.jpg)
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
