等待係漫長而難忍嘅, 達達嘅問題, 我琴晚一直上網搵, 越深入瞭解, 個心越震, 佢真係好似係椎間盤壓住神經線, 如果係咁, 我真係有如末日來臨 :'(
睇他人嘅例子, 同自己切膚之痛, 真係感受好深; 明日會唔會得到確診? 還是有需要轉介到專科做檢驗, 個心七上八落, 個人就好似失咗七魄三魂!
達達性格又有異常"人", 要做任何測試都唔容易, 又容易受驚嚇, Dr.H一直都就住就住, 如無特別需要, 佢都唔會將佢又搓又"禁", 如果要去其他診所, 咁達達會面臨咩嘢命運??
我有叫自己先唔好擔心, 可能情況唔係太壞, 但又好難控制唔去亂諗!
雖然並無宗教信仰, 但到咗呢步, 都會望向天上, 默默禱告, 求求上天憐憫, 唔好要達達豬再受苦, 咁我會好傷心!
睇咗以下描述, 真係無晒心機, 點解達達受完一樣又一樣, 咁可憐啊!!
1級：能自行活動，但有輕微下身輕癱或痛的感覺
2級：顯著下身輕癱（弱/搖擺不定），但能夠支持得到他/她自己的
3級：嚴重下身輕癱（弱/搖擺不定）;後肢隨意運動仍然存在，但不能自己站立
4級：癱瘓, 但仍然有深層疼痛的感覺
5級：癱瘓, 失去任何深層疼痛的感覺。
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
