今日終於送咗部牛奶浴機嚟喇, 即刻同達達豬做個MILKY SPA, 一開始我祇敢比佢試浸短短10分鐘, 寧願循序漸進, 希望有一個好嘅開始; 因為達達豬情緒比較難處理, 唔想佢受驚太激動, 希望佢會識享受呢個浸浴啦!
 |
| 又話個架太高唔係咁理想, 要再降低番 |
一路浸浴一路同隻豬女傾偈, 佢似乎都頗受落, 無驚嘅反應, 呢10分鐘時間佢好relaxed, 咁我再加多10分鐘; 我見佢唔肯坐低, 都浸唔到背脊, 就加多D水啦, 咁佢就驚喇; 可能水深咗浮力太大, 佢開始打水, 想爬起身 :(
其實加水都係無咩作用, 浮起咗背脊一樣浸唔到, 我都係蠢 😜!
背脊唯有拎起個喉頭淋住, 咁都好work！
再過咗10分鐘, 佢唔肯浸喇, 唯有以後先慢慢將時間再加長, 第一次算成績好理想!
今次浸浴我無用任何沐浴露, 所有朋友比我嘅提示都叫我唔好用shampoo， 加上部機都有說明, 微泡效果清潔高能, 無需要多加枝葉, 就等我今次純用淨水, 睇吓呢個牛奶浴效果如何!
浸完後毛毛明顯較蓬鬆, 老公話好好摸, 好滑; 幫唔幫到達達甩毛仍係未知之數, 我無期望做一次就見到有神奇效果, 但當然都希望做一段日子後會見到成績啦😊
沖完涼又做完運動, 攰C隻豬喇, 即刻瞓覺😬
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
