狗狗牙齒保健真係好重要, 大家都知道如果牙齒有細菌, 會對健康有幾大牽連, 輕算係牙週病啦, 牙齒鬆脫； 重, 細菌入血, 上腦, 入心臟, 唔使講都知係對生命有危險啦！
我一直都好擔心, 好關注, 但我呢3隻豬, 完全唔比我清潔牙齒 :(
豆b算係牙齒最好, 並唔係佢肯比我刷牙, 不過佢係一隻為食豬, 對食有興趣咋; 佢都會咬鹿筋咬骨, 相對無咩牙石, 但無刷牙, 牙仔都唔會白雪雪啦!
波波比起兩隻女棚牙係最齊整喇, 只係甩過一隻牙, 無刷牙情況底下, 算係保養得好好喇, 不過波波一共洗過兩次牙, 唔清潔牙齒始終好難避免有牙石, 真係一個極大難題啦!
舊年同佢洗完牙, 決心同佢好好保養, 唔想再有第三次洗牙喇; 佢年紀都越嚟越大, 要麻醉又更高風險啦, 咁點算呢？
隻豬一向都係唔比我刷牙, 近來稍為情況好轉, 都算伸到隻手指入佢個口, 戴住個指套亂卒一吓, 但佢都係抗拒兩頭擰, 好難攪:(
我發覺我只接觸到佢上排牙, 下排連睇都睇唔到呀, 咁都係唔得啦, 真係唔想再麻醉再去洗牙啊....
我從來都唔信用一D牙齒嘅spray可以幫到忙, 就咁噴吓就會見效? 牙石都無埋?
但刷唔到牙都要試吓啦, 幾年前我買過一次同類形嘅產品, 但係另一牌子, 不過買咗都係唔敢試!
當時有狗友上網, 話嗰隻牌子嘅spray噴傷狗狗嘅牙肉, 咁恐怖我點敢用, 但呢隻spray到今日都存在於市面, 究竟當日係謠傳定真有其事, 都不得而知喇; 嗰次之後, 我再無諗過用呢類形嘅產品!
近來朋友間講開, 有狗友又提起呢類產品, 佢用嘅呢隻牌子佢話WORK喎; 佢話用咗3年, 狗狗都無刷牙, 但無口氣, 無牙石!
但佢話唔知去唔去到牙石, 即係狗狗已經有牙石, 清唔清到佢唔知㗎, 但保住本來無牙石嘅牙仔, 佢狗狗就OK啦!
波波洗咗牙一年, 我睇得見嘅牙仔開始黃, 都有D牙漬喇, 但都唔覺有牙石, 見唔到嘅地方就唔知喇, 不過就算有都應該係輕微啦; 豆b我就檢查過全口, 係有好輕微嘅牙石, 咁都可以試吓喎!
如果可以保住, 咁就唔好遲喇, 一於試吓！
我完全無提過達達, 呢隻惡女番嚟我度都已經牙仔好差, 都已經洗過一次牙; 佢連用手卒吓都唔得, 諗都諗到唔慌有靚嘅牙仔啦, 用呢隻產品應該對佢幫助唔大, 佢係一定逃唔開洗牙喇 :(
但佢依家又咁多事, 又甩毛又腳震, 要洗牙麻醉我係超擔心啊, 我都唔知顧得邊樣啦!!!
- Used by Veterinarians since 1994
- 1-ounce bottle = 240 uses (approx. 8 months for 1 dog)
- Simply spray once or twice daily
經加拿大 Guelph University 臨床實驗證明，寵物於使用 Leba III 4至6星期後，牙齒明顯有改善。Leba III 寵物護齒噴霧含兩種天然草本植物精華(Lamiacea
有成佰幾個Customer Reviews, 可以參考吓！
http://www.amazon.com/Leba-III-Pet-Dental-Spray/dp/B0039OKN6A/ref=cm_cr_pr_product_top
http://www.yorkietalk.com/forums/yorkie-products-reviews/108938-anyone-tried-dental-spray.html
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
