 |
| 相片連結 |
我對種植從來都無興趣, 見到朋友種植花草樹木有聲有色, 我會覺得好靚, 但唔會羨慕, 無興趣好難勉強!
早幾個月嘗試種小麥草, 當然係為咗3隻豬仔好啦!
一直都知道小麥草對身體有益, 但要我去種植對我真係好有難度, A鼓勵我做個嘗試, 佢話好容易種得到; 佢送咗種子比我, 清楚提示方法, 但.......我都係種唔到!
我係用綿花種, 可能屋企無咩太陽, 見到發咗芽但都係生長好弱, 跟住仲發埋毛, 好臭啊!
之後都有再嘗試過一次, 但結果都係失敗, 更加無興趣囉！
早前Mi同我傾開呢個題目, 原來佢都有種, 因為佢都話對狗狗好; 但好又如何, 我都係唔會種得成功!
多謝佢嘅心意, 佢為我種咗一盆送比3隻豬, 仲要山長水遠咁送過嚟比我; Mi係用泥土種嘅, 可能泥土養份好D, 生長得好好!
拎番嚟後放低比3隻豬聞吓, 3隻吼吼吓, 個心一定諗緊, 係咩嚟㗎!
晚餐時間剪碎咗少少比佢哋試吓, OK喎, 都無抗拒, 咁聽日加多D啦!
等食完呢盆我試吓將D種子放入泥土種, 睇吓效果又如何, 但都唔敢抱有期望, 因為我屋企無咩陽光！
小麥草 (Wheatgrass)
小麥草是小麥的嫩芽，為鹼性禾本科植物，其嫩莖葉的葉綠素，在營養學家眼裏可以消除有害微生物及細菌，可以促進新陳代謝，被稱為「綠色血液」。
小麥草含豐富植物葉綠素、多種不同蛋白質、維他命A、C、E、及B群、卵磷脂、鈣、鐵、鎂、硫、鉀、磷、鈉、鈷、鋅等活性礦物質、及酵素(SOD)等微量元素，還含有極高量的身體必需而每天又缺乏的纖維素。
小麥在浸泡的過程中會產生豐富的酵素、酵母菌及乳酸菌，可破壞腸內的有害細胞，幫助營養的消化、吸收、新陳代謝，維他命A、B、E，可改善體質，消除疲勞、增強體力，皮膚病、慢性病深具療效。
科學研究逐漸證實，小麥草是天下之間其中一種最有營養、最能治百病的食品，它除了含有大量活性礦物質、蛋白質、維他命、微量元素之外，它的分子成份結構與人的血液分子極為相似，現在臨床紀綠證實的療效包括：
． 減低患癌症的機會，抑制癌細胞滋生；產生抑制細菌滋生繁殖的環境，促進傷口癒合。
． 清除體內鉛、鎘、汞、鋁、銅等有毒金屬。
． 糖尿病、平衡血糖、清肝。
． 降低高血壓、清除各種毒素，促進血液循環、增強毛細管作用及心臟功能。
． 減肥、清腸、改善消化系統、解除便秘。
． 治療各種血液毛病，例如貧血。
． 氣喘、 過敏症、 關節炎。
． 增強心臟功能，防治心臟病、各種潰瘍。
． 膽結石、尿道結石、腎臟炎。
． 血管腫脹、癲癇症、 結腸炎。
． 改善視力、清除口腔毒素口臭，防止蛀牙。
． 把搾汁後剩下的小麥草渣敷傷口治外傷，可消炎殺菌。
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
