 |
| 相片連結 |
今朝早起身覺得有D寒, 望出外面太陽又唔曬, 都有D凍嘅感覺; 不過無落雨天氣唔錯, 就同佢哋去街街啦!
咁大風同豆b著番件衫仔, 呢個係潺豬嚟; 達達近日都滲少少鼻水, 做多D啦同佢著埋喇, 不過佢好抗拒, 同佢著衫好似要打交!
其實咁係好事, 年初甩毛嘅時候, 唔著衫仲衰, 佢會收埋自己唔肯出去嘅; 咁即係情況唔壞, 佢仍然自信心爆棚, 覺得自己好靚女 :)
本來波波就唔使著衫, 但我想試吓好似thundershirt嘅效果, 件衫唔大, 彈性唔錯, 就同佢試吓啦; 因為無咩太陽, 我無同波波戴太陽鏡, 但都帶埋出去, 太大風可以擋吓D灰塵啦!
真係好古怪, 佢今日行吓停吓, 好似唔係好想行, 唔通因為著咗衫? 但佢以前著衫無問題喎?!!
面部表情繃緊晒, 要一路用零食引佢先笑番!
見到都大風開始有太陽, 有D撐眼喇, 咁同佢戴番個眼鏡啦, 隻仔好似上咗鍊咁, 即刻生猛番晒, 一枝箭咁向前係咁跑 ~~
世事真係無絕對, 買呢個眼鏡嘅初期, 我一直都諗住最終會比咗豆b, 所以先唔敢買兩對; 而開始時佢咁抗拒, 行都唔識行, 點會諗個結果係咁出人意外!
豆b就如常啦, 佢咩嘢都唔會抗拒嘅, 有零食就OK啦 :)
今日都有途人要影相, 人家一叫, 佢就望住人笑, 真係抵得佢吖!
豆b真係好隨和, 戴住個黑超行喺街上細細粒咁, 又真係幾有趣架!
達達都係行得麻麻, 無前幾個月咁好喇, 但食咗花藥, 算比較好啦; 一路行我一路鼓勵佢, 同佢傾偈, 讚佢叻女話佢乖, 佢起碼仲肯行!達達都係好得人緣, 途人都話佢又靚又乖, 會跟住我呀; 但其實係我配合佢嘅步伐, 我就住佢咋 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
