 |
| 相片連結 |
11月24日, 係達達豬嘅正式生日, 雖然早兩個月有同對twins一齊慶祝, 但正日我都會再做少少慶祝, 簡簡單單啦！
祝願達達妹妹身體健康, 唔好咁多毛病喇, 仲有希望佢唔好再甩晒D毛毛啦! 不過睇情況呢個願望都好難實現, 我都作咗最壞嘅打算喇!
有毛無毛都唔係重點, 最緊要身體無事啦; 但我隱隱覺得, 達達健康每況愈下, 佢近來懶咗好多, 唔係好想郁咁啊; 後腳又好似比以前差, Dr.H都有講過3隻豬中佢關節最壞, 但佢無跳又無跑, 應該唔會差咗嘛; 再觀察吓, 再差就同佢去Dr.H度照張X-ray睇睇啦!
養呢3隻豬真係心血少D都死得㗎, 安樂嘅日子總係好短, 總係有D嘢要你擔心啦!
今日同隻壽星女影番幾張相, 佢笑得好甜!
早前網友G問過我成日同佢哋影相, 咁究竟有幾多張呢?
7年幾落嚟, 真係好難計數, 今日得閒我就統計一年咁多啦; 原來2012年嘅總數, 有34,130張!
咁呢7年幾, 咪有成230,000張, 好誇張啊:P
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
