 |
| 豆b戴咗呢個眼鏡, 唔識耷低個頭, 合埋對眼, 仲透晒大氣 :( |
週末無同3隻豬出去, 一來都係怕多人多狗, 二來都要比D時間出嚟, 拆咗車仔嘅車蓬坐位去清洗, 呢個清潔行動我會請工人姐姐每個月做兩次！
今日約咗幫豆b攞太陽眼鏡, 要帶住豆b出去試試!
今次訂咗個粉紅色比呢隻豬(其實我都無咩款色可以選擇, XXS碼嘅眼鏡實在好少), 戴住個女裝眼鏡, 就個個都知佢係女仔嚟啦 :)
其實呢個眼鏡都訂購咗好一段日子, 但店主姐姐Su屋企有事, 無時間送貨過嚟; Su都同我相識咗好耐喇, 從佢網上售貨到佢大展拳脚開店, 佢有咩靚靚貨品, 都會第一時間emailed話比我知! 因為相識咁耐, 佢自然知道我係路盲, 所以交收貨品嘅地點, 佢一直都好相就我.
從以前我喺香港番工, 佢會送上我公司, 到依家我辭咗工, 佢就送到九龍近住我屋企!
但......等咗咁耐日子, 結果係個眼鏡完全唔啱豆b!
戴咗上去卡住佢對眼仔, 佢透晒大氣 :(
真係勉強唔嚟, 唔啱佢面型都無計, 唯有要番同款啦, 但Su話嗰個款已經賣晒, 要再等下水番嚟!
等我無問題, 但要佢徙時間一場送過嚟, 又唔啱戴, 真係唔好意思; 佢話老朋友喇, 無問題！
其實自從佢開咗店舖, 已經無再送貨, 佢同我講相識4年, 一直都有聯繫, 已經當我係朋友, 咁先會一個眼鏡都送過嚟!
由買賣貨品, 相方認識, 以至交往成為朋友, 佢唔係唯一嘅一個; 我真係好幸運, 從來無預計過從一段買賣貨物嘅關係, 會賺取到友誼!
我希望我可以永遠保有呢個福氣 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
