 |
| 相片連結 |
達達豬落水後好緊張, 唔肯坐低, 全程企住咁會好攰, 我唯有安撫住佢啦; 由開始一路我都用雙手將佢傍住, 咁佢先安定落嚟, 識笑番!
 |
| 扶住達達豬就無咁緊張啦！ |
近幾日發覺達達後腳好差, 一路以來佢間歇都有D脚震震喇, Dr. H話關節係有D移位, 但未到好壞嘅階段, 但都要小心唔好跳啦; 達達豬從來都唔會又跳又跑, 理論上唔會咁快退化, 但見佢企住都有D搖擺, 真係好擔心啊, 都係要比醫生check吓喇!
關節問題都無咁驚, 最驚係牽涉到神經線問題, 咁就慘!
book咗Dr. H同達達檢查, 不過星期一佢例假, 又要擔心多一日喇 :(
救神拜佛都唔好有大件事啊, 呢隻豬點解咁多事㗎 :'(
今日做浸浴之餘, 都加深D水等3隻豬做做水上運動, 希望佢哋關節肌肉可以強化, 尤其現階段嘅達達, 喺溫水做完運動我再幫佢按摩吓, 應該有D幫助啦!
對twins對浸浴都好似幾享受啦, 我發覺唔好咁早整濕佢哋個頭, 佢哋無咁抗拒㗎, 下次都係唔好咁快整濕達達嘅頭髮!
 |
| 波波最enjoyed， 好relaxed :) 豆b都要扶住吓 |
 |
| 波波好大力拍水啊！ |
3隻豬都係一樣啦, 浸到最後5分鐘, 我加深水量, 扶住佢哋等佢哋用手脚拍水運動吓, 一定要扶住穩定佢哋身體, 一來唔小心吸入水份佢哋會好驚, 如果不幸濁咗入口, 做成吸入性肺炎, 咁就大件事喇, 分分鐘命仔都無埋!
所以我非常小心, 對於達達咁緊張嘅性格, 我要用手托住佢頭仔啦!
對twins好叻, 識抬起頭用力拍打, 攪到我成身濕晒!
等佢哋習慣晒, 我就買件浮水衣放水落浴缸等佢哋做游泳健將啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
