 |
| 個傻妹係咪唔知要針針呢, 咁開心！ 相片連結 |
今日係達達第6次針灸治療,醫生再同達達檢查清楚, 連心肺都聽埋喎, 都係反射神經正常晒, 至於下盤無力同腳震, 就似乎改善唔大, 咁究竟點解?
醫生話今日一於改變姿態, 兩條經絡一齊針, 但都係把握唔大, 因為呢位公主唔易攪, 如果達達奮力反抗, 咁就無得硬來喇!
達達初見醫生時張牙舞爪, 醫生見佢反應咁大, 覺得無可能用到呢個姿勢, 都一直用側身輕壓, 但5次後反應唔太理想啦, 一於試試改變策略, 希望達達合作啦!
完全估唔到達達可以咁乖, 佢跨咗上個"鞍馬"都無咩點掙扎, 會唔會係我訓練有素, 早前我上網睇其他狗狗都多數用呢個姿勢, 我早作好準備同達達練習, 有時我幫佢艾炙對腳仔, 都會用呢個姿態啦; 既然達達咁合作,醫生實行下重手, 今日落咗20針!
達達你要爭氣要有進步啊, 媽媽繼續同你一齊行呢條路啦, 如果再落去都係原地踏步, 我就要再考慮用其他方法喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
