星期一達達做完針灸後, 觀察咗幾日無發覺有新進展, 似乎已進入咗一個平台期, 唔上唔落喇; 可能針灸只可以幫到呢步, 決定新年後開始嘗試順勢療法, 睇睇情況再決定下一步條路要點行; 可能將針灸納入保健, 定期去針吓, 疏通下經絡加強吓血液循環咁啦, 要改善達達腳震嘅問題, 針灸效力唔大!
呢幾日都開始忙喇, 挨年近晚都習慣咗除舊迎新(我最希望達達可以除咗D舊病有個新開始啦)呢D俗例, 再簡單都要執拾吓屋企, 清吓D收埋好耐都唔用嘅物件啦; 真係買埋好多無謂嘢, 每次見到D店員做promote都好吸引, 但買咗多數都係好少用, 仲有無數次貨不對辦中招啦, 今後叫自己要冷靜D, 唔好見咩話好都買!
屋企又唔大, 收收埋咁多雜物, 收埋咗都唔記得啦, 真正常用嘅有幾多? 以後要堅持唔再亂咁買!
早兩日同波波豆b沖涼, 今次豆b行頭, 見部微泡機放出嘅水都係唔太白, 但到波波沖嘅時候就明顯白咗好多喇; 我都唔識點調教, 是旦啦, 反正水白唔白都無損微泡嘅震蕩力嘛, 呢個先係重點啦!
呢排都幾凍風又大, 自己又唔太得閒, 帶3隻豬落樓下行吓算喇!
明顯見到達達唔同以前喇, 可能佢自己信心都唔大, 行一陣會自動停低啦! 我都唔敢比佢跑, 佢一停低我即刻抱番佢上車喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
