達達食順勢嘅藥後無見到有不良反應, 咁我就當佢受落, 較為放心啦, 最壞打算係D藥同佢唔夾, 幫唔到佢; 其次係D藥唔可以令佢好番, 但可以幫到佢keep住目前狀態, 起碼無變壞; 最理想當然係目前症狀有進步空間啦, 不過要比D時間!
上動物順勢療法嘅網站, 睇咗好多狗狗服藥後, 狗主嘅正面回應, 比我多咗信心, 雖然人哋嘅狗狗適合並唔等如適合達達, 但要做嘅都做咗, 希望在人間啦, 萬望達達豬唔好惡化呀!
買個新"玩"具, 多謝Mi嘅好介紹!
之前同佢閒談, 東拉西扯講到清潔家居, 佢話佢無用清潔劑洗地, 怕殘留地上, 狗狗接觸到就衰; 我都知接觸呢D清潔劑係對健康唔好, 佢哋腳掌直接掂落地嘛!
所以我都已經選擇寵物專用清潔劑, 即使話無須過水, 但我仍堅持每次用後都一定用清水抹多一次!
但日積月累, 難免仍有殘留化學物, 尤其我係靠呢個工人姐姐, 真係好難信得過佢!
但全用清水, 真係好難去除D異味, 3隻豬仔間中都會隨意尿尿, 就咁用清水, 好難將D尿味全都清除; 所以無辦法都係先用清潔劑後再過清水!
原來Mi一直用蒸氣機蒸地, 咁高溫蒸氣, 可以將異味盡除; 琴日買咗佢推荐嘅品牌, 佢話呢個牌子嘅機好實際!
即刻蒸地, 工人姐姐話好似神奇魔法, 連磚地罅隙嘅污漬都起晒出嚟, 乾淨晒; 我再用嚟蒸3隻豬嘅圍欄, 真係好好用啊; 圍欄一格一格, 姐姐邊有咁好心機去抹吖, 琴日我用噴嘴一噴, 真係潔白如新, 輕輕用乾毛巾印一印D水份就OK喇; 不過我嚴禁工人姐姐無我監管下去用, 咁高溫佢又咁失魂, 蒸熟我D豬就死喇！
今後就真係清潔地下純用清水喇!
姐姐好鍾意玩（新C坑), 佢話今後清潔廚房輕鬆晒 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
