 |
| 相片連結 |
達達用順勢治療有一星期喇, 所有藥我都已經grouped埋咗一齊比佢食, 今次共有4款藥, 但要分隔開時間真係要周詳咁部處; 本來Mi話可以同一時間一齊食, 但我網上搵到嘅資料話想效果良好, 每一隻唔同嘅藥最好分隔開半小時, 咁既然係用, 梗係做到最完美啦!
D藥要每日食4次, 仲要同早午晚3餐分隔開D, 達達要食甲狀腺藥, back and joints supplement, 仲有魚油同immune boost, 又要將時間再拉開多D.
由早上7點幾起身, 一路到晚上11點, 我都要靠個鬧鐘做人, 每隔半小時就響一次; 中段只有2小時嘅break, 又碰啱過年,要買嘢真係要急急脚咁去!
我完全唔介意比呢組藥困死, 只要係幫到達達豬!
況且一個療程祗係4星期, 喺呢段日子, 我心甘情願將我嘅時間比晒佢!
達達你要爭氣, 食咗藥要好好控制住病情, 我唔奢望你會跑到起飛, 只要你穩穩定定咁行我就心足滿意!
達達服藥後完全無不良反應, 即係無差咗啦; 某程度上我覺得係好過第8次針灸之後(希望唔係我嘅幻覺), 嗰次針完番嚟, 又有搖擺兼腳震, 佢一有搖擺我就會好擔心啦, 即係椎間盤又出事!
呢一個星期, 好似唔覺佢再有搖擺, 咁有可能因我嚴格將佢困籠, 一日裡面我會分時段比佢入圍欄, 食飯同便便, 再做下腳仔運動; 唔知呢隻豬係咪有好轉啦, 佢近來成日用前手扶住圍欄, 只用後脚企起 😟
呢個動作佢以前係從來都唔會做嘅, 但咁拉扯條腰係椎間盤嘅大忌, 我真係一則以憂, 一則以喜!
仲有幾日就過年, 雖然無咩特別嘢要攪, 屋企無老人家可以好簡單; 但真係忙, 大掃除係唔少得嘅環節, 平日無仔細清潔嘅地方, 年尾點都要清理!
今時今日真係唔可以靠工人姐姐幫你辦事, 依家D姐姐質素好參差, 請到個姐姐唔謀算你已經係好事, 工作能力真係唔敢旨意, 呢幾日真係忙到我死!
今日抽時間整咗幾款過年食品比3隻豬, 有"南瓜蜜糖元寶"、"紅菜頭福祿壽奶凍"、 仲有蘿蔔糕, 意思意思咁啦 😄
跟住免不了影吓相, 今次3隻豬仔新春用嘅飾物係波麻從台灣寄過嚟比佢哋嘅禮物, 佢哋戴起好靚!
有食物放喺佢哋面前, 咁大挑戰, 我唔敢要佢哋坐埋一齊, 做成氣氛緊張, 萬一又打交就好混亂!
佢哋心情都唔好, 尤奇係波波, 越嚟越燥, 花藥唔work, 要再諗諗點先幫得到!
3隻豬都唔比面, 要影相個個都板住塊面 😖
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
