 |
| 相片連結 |
達達琴日轉咗姿勢兩條經絡一齊針, 好似係有好轉, 不過佢時好時壞, 我都唔敢太快開心; 上次明明有兩日無脚震, 但後來又差番, 今次要比多少少時間再睇睇!
下面條片可以睇到達達嘅改善, 比較行得有力喇(我要放個屋仔擋住, 怕咗達達衝入房呀), 咁即使我已經訂咗順勢療法嘅藥番嚟, 都係hold住先; 椎間盤問題算係慢性病, 有咗呢D藥傍身感覺會較安全!
今日天氣回暖, 快快手同對twins沖番個涼先, 上次同Mi講起微泡水唔太白, 佢話直接放水落浴缸會好少少, 可能水壓問題; 今日又做咗個實驗, 感覺係好D, 但豬仔坐落浴缸好似欠缺安全感, 縮埋一角; 下次唔再令到佢哋感覺空盪盪喇, 沿番舊路行啦 😊
今日將佢哋嘅毛毛略為修剪, 就快過年喇 :)
但願達達嘅問題快D解決,一家開開心心過新年!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
