 |
| 相片連結 |
唔經唔覺帶達達做咗7次針灸喇, 因為上次改變咗落針嘅位置, 情況有改善, 當然跟住呢條路走啦, 繼續雙經絡下針喇!
針灸呢段期間, 無論佢嘅情況係點, 我嘅心情都上落頗大, 咁當然係佢嘅病狀牽動我嘅情緒啦!
 |
| 達達好定好乖乖 |
由一開始滿抱希望接觸呢個治療, 我係好有耐心㗎, 因為明白呢類唔係急進嘅療法, 唔係打一針就止痛咁簡單嘛; 喺初段時間即使見到改變不大, 我都覺得係呢個療程未夠時間; 針到第4次後見達達有好轉, 旋即又差番, 呢個先係令我信心盡失嘅主因, 我幾近放棄喇!
還好再堅持落去, 到第6次醫生改變方位幫達達, 兩條經絡一齊落針, 之後呢一星期, 達達情況明顯有好轉, 企同行都比之前有力喇, 最重要係, 佢無突然又變番差啦!
達達都仲有脚震, 但比之前無咁密, 而呢仲震係唔同病發時候, 雙腳同pat pat一齊咁震騰騰; 嗰種係一種無力感, 令我好擔心, 好似輕輕一碰佢就會失平衡 :(
依家嘅震, 就接近一路以來嗰種脚震, 感覺純係腳仔問題, 因為通常呢種情況佢只會震一陣, 當佢企好企定就唔會再震!
呢種脚陣, 我估計係佢嘅關節移位問題, 我諗針灸幫助唔大, 我會嘗試順勢療法; 理論上移咗位食藥應該無幫助, 但可能另類療法, 有另類效果啦, 既然藥效溫和又無害, 試吓都無防嘛!
等針灸治療告一段落, 我就做個新開始啦!
 |
| 針完鬆晒歸家喇！ |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
