 |
| 相片連結 |
今日同達達豬沖涼, 因為明日又係3隻豬驗血時間, 跟住星期一又去做針灸, 之後又要休息幾日, 今日唔洗白白會delayed好多日啦!
明日佢哋嘅甲狀腺驗血報告, 希望一如以往控制得咁好!
今日唔再直接放水落浴缸喇, 雖然放水落浴缸D水較白較似牛奶, 可能係水壓還是水量問題, 我唔太清楚啦; 但半缸水浮力咁大, D豬仔好似有D驚, 感覺無咁relaxed!
反正水嘅顏色唔影響微泡嘅效果, 震蕩力係一樣, 咁算喇!
帶氧微泡浴嘅震蕩有如按摩, 只要3隻豬放鬆佢哋就可以好好享受到如按摩嘅效果, 每次浸完浴佢哋都瞓得好熟!
一個良好嘅睡眠質素影響健康好大, 所以之前每兩星期沖一次涼, 依家7-10日就會浸一次微泡浴, 因為唔需要用shampoo, 唔存在會傷害皮毛, 唔會乾旱; 雖然係咁講, 但我都會因應需要用少少清潔局部感覺dirty嘅地方.
達達有好幾日無晒笑容喇, 除咗脫毛症重來嘅影響, 今次重加上椎間盤問題, 佢心情點會靚; 不過上次用咗新部位去做針灸, 似乎幫助好大, 起碼暫時情況尚算穩定, 無時好時壞啦!
今日浸完微泡浴, 達達可能身心舒暢, 再展歡顏!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
