呢3隻豬真係就快將我玩死, 挨年近晚總係多多事, 琴日又輪到豆b喇!
琴晚見豆b成晚將個下身磨地下, 一般咁情況會首先考慮係肛門腺問題, 但我剛同佢放咗之嘛, 用手摸過都唔覺佢有脹嘅感覺, 應該唔係呢個問題啦, 不過我都嘗試再幫佢放多一次, 但係一如所料並唔關事啦!
但見豆b行唔安坐唔落, keep住做呢個動作, 睇到我好不安; 抱起佢小心檢查, 睇晒大小便位置, 脾罅都逐一檢查, 都搵唔到原因啦, 皮膚無紅無腫無昆蟲, 咁究竟係咩事呀?
開咗一盤暖水同佢清洗下身, 吹乾毛毛, 希望無事啦!
攪咩呀? 點解完全無幫助架, 自從上次同佢剪短過尿尿位置嘅毛毛, 佢有過咁嘅反應, 我都唔敢再剪啦, 我咩都無做過, 已經買咗佢怕!
但見佢跑來跑去好不安咁磨地下, 仲開始呼吸急促尖叫, 天呀!
我可以點幫佢啊!!
見佢開始脷仔都轉咗深色, 即刻比佢聞氣啦, 一路叫佢放鬆, 一路按摩住佢喇, 好快就見佢呼吸正常返!
但點解決佢磨地呢個問題呢? 我完全揾唔到症狀嘛!!
如果佢又再兩頭咁跑咁不安, 好容易又呼吸困難啦, 要幫佢先冷靜番再想辦法!
即刻諗起樽冷靜香薰"Chill-Out", 一於試吓!
噴咗佢張床仔幾下, 再放佢入去然後喺週圍再噴下, 安撫吓佢叫佢快D瞓啦!
Oh thanks god, it works!!!
佢好快瞓著無再磨地喇, 到半夜佢又做同樣動作, 咁我又再噴多次啦, 好幸運到今朝佢無事喇!
可能係心理因素影響啦, 近日我完全focus喺達達身上, 都見到波波嘅表情唔開心喇, 豆b一向都好是旦, 我無諗佢反應仲激啦!
唉, 真係分身不下, 餵達達藥已經要夾住時間, 又要處理3隻豬嘅心理問題, 我都要噴下"Chill-Out"啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
