 |
| 相片連結 |
琴日拎咗Mi比達豬試用嘅酵素精華, 今日急不及待同佢試吓, 本來工人姐姐放假, 同達達沖涼要自己做晒事前準備, 同事後善後嘅工作, 唔係好化算㗎, 哈哈！
但我呢D咁心急嘅性格,要做嘅就一日都等唔到啦; 何況聽日去針灸後, 又要等兩日先好沖涼, 望住枝精華素, 你叫我點等咁多日吖!
一於快快手set好暖爐, 推部微泡機入浴室喇, 仲set定吹風機放門口, 就唔使手忙腳亂啦; 無人睇住對twins, 都係入圍欄安全D喇, 費事有咩事我喺浴室, 仲開住部機, 真係咩都聽唔到啦, 雖然離開我視線範圍都只係一兩個鐘嘅時間, 但要有意外就一分鐘都嫌多啦, 你話我緊張大師也罷 ;)
一切準備好晒, 抱達達入浴室全身噴濕精華素, 開始按摩, 感覺都OK, 唔立手嘛,10分鐘後放達達落去浸浴,希望隻豬肯浸耐D啦!
今次浸咗30分鐘, 叻女!
部機都係臨浸完先開始勁白, 玩咩呀?
沖完涼感覺OK, 覺得D毛好鬆好滑, 心理上比呢隻酵素精華征服咗喇; 但今次叫自己唔好衝動又衝去買, 反正Mi比我嘅份量仲可以試多兩次, 遲D再決定啦, 哈哈, 要讚自己有進步喇 😉!
達達沖完涼寧舍生猛, 係咪微泡嘅氧氣加強咗佢血液循環呢? 放佢出廳就兩頭跑, 仲呱呱叫啦; 女呀女我保你大, 唔該慢慢行, 年近歲晚出事好煩㗎!!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
