又係新嘅一年, 祝願所有煩惱事隨2013年過去, 好人好事好健康跟2014年到來!
其實我從來都唔貪心, 每年都只係許同一個願望, 只願大家都身體健康!
今日工人姐姐放假, 屋企即刻寧靜好多, 我開住音樂好享受喎; 如常同達達做艾炙, 佢都係 一路做放鬆到瞓咗 :)
今晚同老公阿女出去食新年飯, 惜逢初一齋期, 我哋選咗食齋菜, 希望新嘅一年D惡人唔好咁變態, 唔好再將D動物殺生虐待!
依家D齋菜真係令我大開眼界, 唔只個樣做得似肉, 連D口感都似到我分唔開, 我最鍾意嗰碟吊燒雞, 做得好好味啊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
