.JPG) |
| 沖完涼被困唔開心啦 |
今日同達達豬沖涼,將部SPA機放落低D嘅位, 因為發覺D水顏色唔太奶白, 唔知係咩問題; Mi話佢就放到好低, 每次都好白喎, 咁我都試吓啦; 但效果都係出唔到嚟, 都只係似洗米水咋, 咁即係唔關之前我放嘅位置關係, 而且上次同豆b沖涼, 係名乎其實嘅milky spa嘛!
 |
| 之前D水似足牛奶 |
正當我一路諗究竟係邊方面出咗問題, 就見到D水開始白喇, 我諗應該係要時間run順部機啦, 上次豆b係排第三, 所以D水白晒!
即使我懷疑係呢個原因, 但都唔想再比達達浸太耐, 我覺得佢浸太耐會好攰喇!
星期一又帶達達去針針, 但近日觀察發覺改進唔大, 好似上咗個樽頸位, 不進不退; 沖完涼我都係要將佢困圍欄, 要佢休息吓; 波波又同達豬一欄隔天涯, 兩隻豬都唔開心啦, 但無辦法, 達達情況仍未穩定, 我怕整親佢背脊會惡化啦!
 |
| 達達成日想出去 |
嘗試上youtube取經都好難, 因為大都係用大狗去示範, 我放咗隻手喺達達身上, 都無位移動啦, 又唔識點去變通先慘:(
後來諗吓, 有無片係用貓貓做示範呢? 一來貓貓體型較細, 二來貓貓嘅敏感都似達豬啦; 果然比我搵到幾段片呀!
我反反覆覆咁睇咗幾次, 就開始試吓做喇; 我唔知我手勢力度啱唔啱, 但試咗3隻豬佢哋都唔抗拒啊; 佢哋都係由開始企住兩頭望, 去到慢慢咁放鬆爬低啦; 唔理我手勢是否正確去幫到達達行路嘅問題, 但可以令佢哋放鬆都係好事!
大家養小型狗狗嘅都可以參考吓呢幾段短片, 都好ok㗎!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
