 |
| 相片連結 |
星期日唔會出去, 雖然天氣好好, 但咁情況出面一定超多狗狗, 二來每個星期日我都要做阿四, 進行大掃除!
每個星期日工人姐姐放咗假, 我就會入佢房打掃, 有垃圾要幫佢清除; D姐姐有時會嚇死你, 食完零食嘅吉包就咁放喺床上, 唔會跟手掉咗佢啦; 如果諗住有個姐姐就可以放手咩都唔使理, 呢個CONCEPT已經不合時宜, 今時今日有個姐姐, 唔自己跟住隨時激死自己!
有外傭群組朋友痛陳慘事, 姐姐攪到成床跳虱, 攪到要搵滅虫公司, 清咗5次, 全家要搬離屋企, 傢俬都要掉晒佢， 咁攪一攪唔見5萬大元!
所以我必定監工要佢定時換床單, 亦每星期都要check一次, 如果有跳虱真係害死我3隻豬!
今日都同3隻豬做艾炙, 然後放達達出嚟, 但就一定要喺旁邊睇住, 波波一見達達有時會超興奮, 會撲向達達好似之前咁啦; 但達達今時真係唔同往日喇, 佢都係後盤無咩力, 所以波波咁撲我一定嚴禁, 其實都見到波波唔開心 :(
琴日叫姐姐買咗材料, 今日自己煲湯煮飯, 自己簡簡單單煮兩味唔想每星期都出去喇; 今日煲紅菜頭粉葛紅蘿蔔豬展湯, 係3隻豬嘅至愛, 連達達都唔使人手餵, 自己飲清光!
.png)
日本獸醫須崎恭彥嘅狗食典, 認為"葛"非常值得推薦, 因為粉葛易消化, 可以供給熱量, 有整腸效果添; 狗狗疲累可以得到幫助, 所以我好多時都會比佢哋飲葛湯, 再將粉葛打爛同湯混和!
不過我唔會比佢哋飲老火湯, 煲半個鐘就連適合材料打勻比佢哋飲喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
