都唔知仲要點做!
自從豆b頸椎出事, 我照顧佢哋已經加倍小心, 所有大小事情都不假人手, 連老公想同佢哋梳吓毛毛我都唔准佢"逗"!
同佢哋日常清潔都放柔晒手, 無論我幾心急都叫自己要淡定滋油; 唔再比佢哋跑跑跳跳, 好似易碎玻璃咁捧於雙手!
日常都好勤力幫佢哋做物理治療, 已經步步為營, 點解命運係都要同我鬪?
上次覆診到今日祇係一週, 又見到豆b頸仔梗梗頭仔微側, 又縮吓縮吓隻手:'(
雖然醫生有配比我備用藥, 但呢兩隻藥都極傷肝腎, 如果本身肝腎有事根本要用都無可能, 非必要時真係唔想咁密出動到呢類藥品; 好怕將D傷患一層一層咁冚, 到最後全個身體健康被攻陷!
即刻同佢做艾炙, 場效應, 再加埋順晒藥, 仲有指定動作 - 困籠!
係咪我放監太早, 呢種頸患咁早放監係唔適用?
做完一連串物理治療, 豆b明顯放鬆, 從唔敢抬起頭仔, 變到蠢蠢欲動, 今次算安全過渡, 但我唔敢放鬆!
困籠, 無得鬆, 呢兩個月一定無得自由活動!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
