.jpg)
小GG, 願你 Rest in Peace!
唔識點去形容呢件傷心事, 好似有好多嘢塞咗喺個胸口, 但又拎唔到出嚟, 頂住頂住 :'(
原來有時心痛係好難宣之于口, 好難講嗰種感受出嚟; 雖然小GG唔係我嘅狗狗, 但我親身送別佢嘅時候, 真係好難過好難受!
小GG係我3隻豬仔嘅朋友, 記得上次過嚟我屋企同3隻豬玩, 達達竟然比佢入圍欄, 好奇怪達達竟會任佢自由行, 呢D就叫做緣份喇; 記得豆b初嚟步到, 達豬係死守住圍欄門口, 唔比佢入去㗎!
一路都planned住話放假安排再一齊玩, 但唔係天氣熱到唔想出門, 就係滂沱大雨舉步為艱, 改期再改期, 點知嗰次竟然係唯一嘅一次到我家作客!
唔想叫A節哀順變, 點解要抑制哀傷? 點解要順應變幻? 呢種變故根本係接受得逼於無奈, 點解唔盡情發洩大喊一餐?
之後, 就要收拾心情, 同小GG好好道別喇！
生命 - 有如起歿嘅浪花, 濺起再沉下, 只好看化！
但A你已經做得好好, 做咗一切可做, 雖然難過傷心免不了, 但我一直都係咁講, 可以傷心, 但唔可以有遺憾, 你已經比咗小GG最好, 佢一定會知道!
小GG唔好回頭, 唔好牽掛, 好好上路!
從今後脫離疾病同痛苦, 喺彩虹橋上做個健康快樂嘅小天使, 唔好留戀今世嘅路途!
 |
| 同小GG一齊去影樓影相 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
