 |
| 齊齊敷HOT PACK |
琴晚我出咗一陣街, 番嚟又見到豆b氣喘喇, 佢一路食住神經止痛藥, 應該唔會係痛啦, 即係見我番嚟又緊張喇!
我點可能避開令佢緊張嘅場面, 唔通一世唔離開佢視線, 唔使開餐?
從第一日見豆b, 就知道佢氣管弱, 狗狗呼吸正常唔會伸到條脷仔咁長嘛, 但知道、預咗同面對係兩回事, 每次見佢呼吸到kat kat聲, 又心痛又擔心, 仲好驚佢就咁斷氣㗎!
Mi叫呢D做吐舌幫, 唔係正常散熱情況下, 盡伸長條脷, 身體一定有D唔妥喇; 已經又聞氣又燉鱷魚肉湯保養, 真係好難攪!
嘗試用香薰幫吓, 噴上cough drop, chill out, 希望佢calm down, 我都需要chill out幫我放鬆吓😦
 |
| 伸到條脷仔咁長就知唔慌有好事喇 |
跟住再比佢聞氣, 但好似幫助唔大, 可能係佢氣管差過之前喇, 係咁喘都唔係辦法, 大家都唔使瞓喇, 都係要用放鬆氣管藥啦 😖
等豆b條頸好番晒, 要帶佢去做個詳細檢查, 照照x-ray睇睇佢氣管下塌情況有幾壞, 要搵個好對策!
隻豬豆好曳, 應該講困籠咁耐又好慘, 佢想出嚟就撞到個細籠砰砰硼硼, 唔理佢就激動到喘晒, 我心腸可以幾硬?
放番佢落大籠, 我認輸喇, 叫我點堅持吖? 個大籠四通八達, 豆b你乖D唔好難為我啦 😥
波波打針後背脊嘅腫塊未有跡象散, Mi比咗條link我睇吓D相關資料, 唔好嚇我啦又講腫瘤問題, 我唔想再一次經歷腫瘤疑雲啊; 唔好自己嚇自己, 夠喇!
勤力D同佢敷吓, 原來打針後48小時內腫塊唔散要冷敷, 之後要熱敷㗎!
http://dogcare.dailypuppy.com/dogs-lumps-shot-5851.html
琴日正式同達達停咗順勢療法, 歇一個時間再食番, 希望咁做會有效; 我一直以為只有波波打針後有腫塊, 今日先摸到原來達達都有, 不過位置偏側我無留意咋, 乜今次打針手勢咁差㗎 😧
琴日開始同波波、達達做足3種物理治療, 照燈, 艾炙同場效應, 豬豆都做咗艾炙同照燈, 佢條頸仔咁細我唔知點幫佢敷個墊嘛!
停咗順勢治療唔使密密食藥, 一樣咁唔得閒, 點解我養狗狗會咁忙㗎 😓
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
