 |
| 相片連結 |
今日係第4日用順勢藥物, 去幫波波達達平復打針後嘅腫塊, 好清楚確定D藥真係有效; 我都怕自己自以為是, 明明改變唔大,但心理上就覺得幫到, 喺無辦法中去搵個倚靠!
叫阿女幫手摸吓, 睇睇我評估有無偏差, 但佢話係有細咗喇; 真好! 咁就無咁擔心啦, 背上有舊嘢唔散總係唔安樂嘛!
都唔知點解會咁麻煩, 以前波波打針都會腫起, 但最多一星期就散晒, 邊有好似今次成廿日都依然腫得咁大㗎!
好耐無同3隻豬仔去街街, 唔係天氣唔好就健康有麻煩, 已經買定新裝備冰涼衫, 天氣熱都無咁驚中暑嘛; 不過豆b真係唔太適合出去跑, 氣管同頸椎都差, 要休息一段長時間; 達達都預咗好難同以前一樣咁出去行, 兩個女都係坐車算喇; 剩番波波, 如果可以避到其他狗狗的話, 都仲可以出去行吓, 如果又做成佢神經緊張咁就算喇, 出街都係坐車啦, 要出去行只可以搵個適當時間落樓下!
呢段時間雖然無出街, 應該係幾悶吓, 但明顯波波情緒唔差, 無想同豆b打交喇!
3隻豬留喺屋企食飽就瞓覺, 還好有大家互相作伴都ok啦, 喺屋企開大冷氣都幾舒服, 呢D天氣出去其實都辛苦, 又濕又焗, 唔出去都算喇!
開住冷氣都幾凍㗎, 要著番件薄衫, 冷親就麻煩!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
