今朝餵早餐, 放豆b由細籠出圍欄, 佢跑得好快, 似乎行動已經恢復得七七八八, 隻手都有番力, 但個頭仔都仲係有D側, 條頸未得!
可能佢由冷氣房出廳, 未適應室溫, 一連打咗幾個乞嗤, 嚇到我傻晒, 因為佢個頭仔fing得好勁!
之前達達腰椎出事, 我猛爬文, 見到台灣嘅動物醫院, 會為有頸椎問題嘅狗狗戴上頸箍保護, 呢D做法我覺得好窩心, 有D嬌少嘅狗狗無適當size醫師會為佢哋縫制, 台灣嘅狗狗真係幸福!
呢D貼文同圖片我記咗入心, 今次豆b頸仔出問題, 呢D影像第一時間浮番出嚟!
我都想為豆b親手縫制, 但我好怕好心做壞事, 如果豆b抗拒, 猛咁fing頭咪仲衰?
http://osama.pixnet.net/blog/post/46652800-%E6%B3%A8%E6%84%8F%E7%89%A0%E5%80%91%E7%9A%84%E8%84%96%E5%AD%90%EF%BC%81
諗起豆b有頸巾, 之前佢氣管差我都有比佢圍住, 可以保護條氣管仔嘛, 即刻拎出嚟比佢試戴!
豆b無fing頭, 咁ok; 即刻動手為佢做愛心頸箍啦 :)
我加入少量海綿等支持更好, 然後又再三考慮要點配戴係最好; 過頭穿? 用魔術貼? 都驚就唔到力度, 陣間chok親條頸真係有冤無路訴, 最後決定綁帶最好!
 |
| 㗳頭係大忌, 戴住可以限吓位！ |
豆b無抗拒, 觀察咗好耐都OK, 最好係無阻礙佢瞓覺, 真好 :) 唯一擔心圍住條頸佢會好熱, 咁開住冷氣都應該舒服啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
