 |
| 相片連結 |
今日有事要出去幾個鐘, 較啱時間, 中午餵咗3隻豬仔午飯, 急急腳出去, 又要趕番嚟餵晚餐, 仲要準時餵豆b食藥嘛!
都要將三隻豬分別困開, 確保安全, 佢哋有時會玩到癲晒; 今時已經唔同往日, 再唔可以玩摔交, 佢哋唔痛就唔會就住玩, 我買佢哋怕喇!
依家要小心保住椎間盤, 波波達達困圍欄, 豆b就一定係困籠喇; 本來波波無必要困住, 都係拜工人姐姐所賜啦!
呢個姐姐好粗心, 行路唔帶眼, 已經踼過波波兩次, 肉赤到我死啦; 唔係話佢立心不良去踢波波, 但有小狗行來行去, 就要小心舉步, 我養狗咁多年來, 用過咁多個姐姐, 係從來未發生過呢D事㗎!
真係唔知點去評價呢個姐姐, 但我真係比唔出一句好評語; 可惜依家請姐姐太難, 一話有僱主留屋企, 醒目D嘅姐姐一定唔會考慮, 邊個會鍾意時刻對住老闆吖; 剩番嘅就係呢D時刻挑戰你嘅極限喇!
唉! 都衹好就住就住, 測試吓自己嘅EQ有幾高啦 😠
養咗呢幾隻豬, 完全無咗私人時間, 做成大家互相強烈依頼, 咁嘅生活太唔健康喇; 今後試吓逐歩調整, 比自己少少私人空間, A話適當離開對3隻豬係好㗎, 佢哋唔會時刻專注我一舉一動, 會安心D瞓覺!
(不過我番嚟問姐姐,佢話祇有豆b瞓覺, 波波同達達一直望住大門口, 哎吔心痛死我啊!)
豆b情況越嚟越好, 頭仔唔覺有側住喇, 除咗定時食藥, 我諗艾炙同照紅外線燈都有效用啦; 不過氣管都係差, 一緊張就死喇:(
波波同達達打針位嘅硬塊仍未散, 總係無事都要有D麻煩, V叫我幫佢哋搽吓sore no more sports salve, 話都會幫到吓!
達達間中都係有腳震, 但情況無更壞我就keep住做物理治療啦, 唔再多餘擔心, 好多嘢諗同理想總係有偏差嘛; 隨遇而安, 活在當下, 總之就見步行步, 順勢而行, 個天會指引我啦!
出咗去一陣, 個人係輕鬆好多, 我當然愛錫我3隻豬仔, 但困住自己喺一個小小世界想法會好狹窄, 都要間中出去行吓, 先可以帶比佢哋正能量嘛 :)
 |
| 番黎即做場效應治療,熱敷脊椎都希望藥水蛋快D散! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
