天氣好差, 又行雷又閃電, 呢D情況對達達係一個大挑戰; 琴晚正在網上同A閒聊, 佢話佢嗰邊好大雨點, 個天仲一閃一閃, 叫我好作好準備幫達達迎戰! 我即刻拉好晒窗簾, 開咗狗狗音樂, 再噴上CHILL OUT香薰睇睇咁掂唔掂; 無幾耐真係聽到雷響, 但達達無驚到兩頭跑, 好安靜咁瞓覺 :)
我真係幾鍾意呢隻安定香薰, 好多時都幫到兩個女, 當豆b不安緊張喘氣, 大都可以令佢安靜落嚟; 可惜凡此種種祇係幫到兩個女, 波波用咩都徏氣 :(
波波對風雲驟變無特別感覺, 天氣問題唔觸及佢嘅神經; 呢個仔嘅敏感度好難猜度, 以為佢會驚嘅佢又唔怕, 好平常嘅事佢又反應過激, 總之比佢玩死啦!
豆b對天氣轉變都係無咩感覺, 有嘅都只係氣管唔爭氣啦, 不過行雷落雨對佢影響唔大, 呢隻為食豬仔只會視食嘢為大件事 😊
佢嘅頸椎應該係慢慢有好轉啦, 佢又開始會"fing"頭, 如果佢痛應該唔會做呢D動作嘛; 但都堅持住困籠, 要多D休息; 每日3餐同飲湯時間會比佢從個籠行到圍欄, 比佢鬆吓, 我就利用呢個時間觀察吓佢行動有無正常番!
應該係比之前好咗, 但個頭仔都仲係有少少側, 希望只係未夠休息時間啦; 都係決定同佢再去覆診, 比醫生評估吓安全D喇!
太平道診所真係時時都咁full㗎, 今次要等一個星期啊 😖
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
