做足準備 (w/album)

著好冰涼衣, 車仔鋪上冰涼墊, 遊花園去
相片連結

今朝波波無晒事喇, 白白擔心一場, 我點先可以學到放下? 明知緊張係無保於事, 都同自己講咗十萬九千次要放鬆D啦, 但講就容易, 做到就好好好難啊; 唔怪得有話"江山易改, 品性難移"啦!


每日都同3隻豬做物理治療, 達達情況頗穩定, 腳震少咗喇; 波波雖然咁耐都無再病發, 但我都唔敢偷懶啦!

總係覺得豆b仍未完全復原, 肌肉都仲有D扯住, 決定再比佢食埋配落嘅備用藥, 可能只食咗一個療程, 藥力未夠啦, 食多一星期應該ok卦!
今次唔覺佢有痛, 無需止痛藥, 只著重將肌肉放鬆; 早午晚都分類咁幫佢做齊艾炙, 場效應同照燈; 如果我仲有番工, 都唔知點辦, 邊到唧得出咁多時間!

琴晚波波達達好乖, 半夜無嘈喇, 不過我都係瞓得唔好, 掛住波波嘛, 今朝無事就真係一天都光晒 :)  
 

都好耐無出去喇, 喺呢段期間天氣都唔好, 豆b頸椎又出事, 都無心機出去行, 今日見天氣唔錯就落花園轉兩round啦, 雖然太陽好猛, 但好好風; 亦做足準備, 除咗喺車仔鋪上冰涼墊, 仲著埋冰涼衫, 唔會中暑啦!

好好風吹到豆b傻晒

豆b同達達坐車車啦, 休息耐D再算喇, ivdd嘅網站話要休息成年架! 達達出去行會好緊張, 行到衝衝吓; 豆b喺屋企都仲係困籠期, 更加唔好行, 現階段遊車河好喇! 
雖然無落地行, 但心情興奮卦, 番到屋企都攰到死死吓, 瞓得好熟啊!

淨係比波波落地行

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！