 |
| 一個轉圈一個走路得達達配合得最好! |
雖然每隻豬短短照15分鐘, 但呢件差事都唔易做, 除咗達達會乖乖配合瞓喺度, 照對twins難度好高!
波波都較好, 佢都肯定定坐低照最初嘅5分鐘, 只係耐性不足成日企高, 要完成一節治療時間我要又氹又用手去扶!
豆b就真係超級麻煩, 好似個陀螺咁轉過不停, 同佢照燈我好辛苦; 我要一隻手拎住個燈同佢配合, 另一隻手要定住佢個頭仔唔好向後望, 真係攰死人!
自從用咗順勢治療去幫助兩隻豬消腫, 波波達達打針位嘅腫塊都算有進步, 從半個鵪鶉蛋咁大, 變到好似粒蠶豆咁細, 希望會好快平伏!
等停咗順勢藥後, 再做番場效應治療同艾炙, 應該對椎間盤問題會幫助更好!
今晚有突發事故, 突然接到A嘅電話, 佢當時係聲都震埋, 佢話小GG突然抽筋; 我諗佢當時真係好驚, 係驚到咩都唔識諗, 驚到完全無晒意識要見醫生; 我完全明白嗰種感受, 想當年我叻叻抽筋, 每次我都係嚇到失晒魂; 狗狗抽筋, 我認為係最可怕嘅病徵之一!
即刻叫佢去太平道診所急診, 呢種情況我係過來人, 好明白嗰種擔心無助感; 我亦立刻動身出去同佢會合, 雖然我比唔到實質幫助, 但有朋友喺身邊支持希望佢較安定心神!
還好小GG情況穩定落嚟, 但要留院ICU, 有藥有氧氣有醫生咁都較放心; 希望一切平安過渡, 小GG唔好要媽媽咁擔心, 不過留低咗個女, 我諗A今晚都掛心到唔使瞓喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
