 |
| 第二次藥後係放鬆好多喇！ |
琴日睇完醫生比豆b食咗一次藥, 就將佢困籠休息喇, 食一次藥有無好轉真係好難定奪, 唯一見到係佢再無喘啦!
今早起身餵早餐, 放豆b從細籠行到圍欄, 觀察吓佢經過一晚休息, 有無好多少少啦; 行嘅步姿穩咗, 但頭仔仲有D側, 用一次藥唔會要求咁高喇!
豆b好乖, 困入細籠我驚佢會尿濕晒, 所以墊咗片片, 但佢每次都係出嚟先去圍欄尿尿, 咁我比個軟墊等佢舒服D啦!
今早食咗第二次藥, 感覺佢放鬆好多, 最明顯係見佢無再伸長晒條脷, 呼吸好番好多喇!
頭仔未回復正常, 但嚴格困籠食藥, 有信心會幫到佢喇!
 |
| 總算可以收番條脷仔, 呼吸正常番 |
 |
| 要好好休息先快好架, 困籠係無辦法 :( |
再一次要讚琴日太平道嘅醫生同姑娘, 琴日去到醫院, 當然都係一定要磅吓, 點知入到診症室, 醫生拎個bb磅出嚟要再磅, 話佢太細身要磅清楚, 確保唔會用藥over, 好細心啊!
喺接待處磅係1.6kg, 再磅係1.58kg!
仲有姑娘都好好, 醫生叫我放豆b落地行吓, 要睇睇情況有幾差, 點知呢隻豬豆, 一落地就尿尿, 我都未及反應姑娘就用手勢叫我唔好騷擾佢; 之後話唔緊要, 要由得佢痾清, 唔好stop佢呀; 點解外面有咁多劣評? 我遇到嘅咁相反?
係個別醫生? 姑娘? 個別事例?
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
