 |
| 豆b照頸椎, 達達照腰椎, 波波照吓想個藥水蛋快D散 :( |
3隻豬都一齊咁麻煩, 真係慘!
 |
| 咁咪幾乖乖! |
豆b維持住穩定狀態, 只要佢無再變壞, 我都係要比多D時間等佢復原, 咁大問題點可能咁快好番!
不過呢隻豬好曳, 好少少就喺個籠入面團團轉, 仲叫到嘈晒 :(
嘈都無用, 硬住心腸困籠, 無得放監!
 |
| 每次打針都有個藥水蛋, 好難散 :( |
距離上次打瘋狗針都十幾日啦, 波波背脊都仲係狽住個鵪鶉蛋:(
我真係好怕打呢枝針, 仲記得佢細時打第一針, 有過腫瘤驚雲, 當時上網猛咁問人, 點解有舊嘢喺皮層㗎?
每次打呢針都有不正常腫塊, 真係擔心!
又要講吓達達, 加番正常劑量嘅順勢藥後, 都有個多月喇, 呢段期間算係穩定, 有腳震, 但唔算頻繁; 後盤感覺都係無力, 佢企定好似要扎馬咁馬住個地下, 相信呢種病永遠都唔會好番, 去到同以前一樣喇 :(
同幾個有相同病例嘅媽媽傾談, 大家都話日日都提心吊膽, 都明白隨時會番發, 就算好番醫生都話只得從前嘅5、6成把握 :'(
我已經將要求降低晒, 只要再唔惡化, 唔會癱, 仲可以行吓, 就滿足喇!
 |
| 剛照完燈, 好舒服瞓覺 |
琴晚夜到今日食早餐, 都見到達達又兩隻腳同pat pat都震晒, 我都唔知應該點辦, 唯有比佢活動範圍再減啦!
達達用順勢治療都有三個半月喇, 無止境咁食落去, 可能效用都打咗折啦; 原本都係打算做一個療程嘅順勢治療就停吓, 依家喺無減藥嘅情況下又變差, 都可能上咗平台期, 太習慣無咗刺激喇!
決定停藥, 恢復用艾炙, 加上場效應, 照燈, 全部用上物理治療去幫達達, 見步行步啦!
姑勿論效果如何, 但達達真係好鍾意做物理治療, 照燈、 佢好定好乖; 尤其鍾意做場效應治療, 我一幫佢綁上個敷墊, 佢就好放鬆咁瞓覺!
又再咁試吓啦, 見到隻妹豬咁舒服咁享受, 我真係唔想將呢D治療縮減.
原來要平常咁會行會走係咁難 :(
幸福 - 唔係必然㗎!
 |
| 達達享受每一個物理治療, 好識歎! |
 |
| 豬豆都做艾炙幫一幫啦! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
