 |
| 最開心見到條粉紅色脷仔喇 |
臭豬豆頸椎暫時穩定落嚟, 就開始要諗佢氣管問題喇, 應該點去幫佢嘅喘氣呢?
覆診時都有同醫生商量, 點先係一個最好嘅解決方法? 醫生都係建議用擴張氣管藥, 但都只係可以幫到少少啦!
因為佢唔係氣管炎嗰類問題, 氣管下塌收窄, 除咗手術放支架, 係無嘢可攪!
不過豆b連做呢個手術都有難度, 佢咁細身實在難搵適合size嘅支架, 而風險都太大喇!
http://zplus.pixnet.net/blog/post/2591573
 |
| 豆b放監比張大床佢伸展好D啦！ |
其實我明白呢個問題係好難解決啦, 大概情況我自己都知嘛; 畢竟我先後養過8隻松松, 都無可能未遇過呢類問題啦, 但世界日新月異, 可能有更好嘅方法我未知, 當然正路都係問獸醫啦!
每當我嘅豬仔健康出問題, 我都會上網搜尋, 有咩辦法幫到佢哋，都會得到一D basic knowledge, 但就個別病例, 仍然有需要諮詢獸醫嘅!
但我覺得自己都要做好基本功課, 起碼會識發問相關問題; 有時某D point醫生都會記唔起, 自己唔提問就可能忽略咗呢D; 當然如果你唔好彩遇到D無良獸醫, 就會得過且過啦!
要提升醫療質素水平, 主人嘅把關好重要, 先做好功課敢問敢要求, 相比起盲從信任咩都無所謂嘅主人, 得到嘅一定係唔同嘅醫療服務; 醫生見你重視, 亦具備起碼嘅基本智識, 一定會加倍留神, 人嘅通病就係咁啦, 獸醫都係一個常人嘛!
而一個好嘅醫生, 一定樂意解答, 佢都想瞭解多D, 咁斷症都較容易!
如果你睇嘅獸醫唔歡迎你發問, 又或者避重就輕支吾以對, 我諗你應該換人 :)
我承認每次帶豬仔去睇醫生, 我都問問問, 煩死醫生㗎, 哈哈哈!
 |
| 招積豆b要修毛喇, 又長又亂！ |
講番豆b氣喘問題, 我係唔想佢長食擴張氣管藥, 食呢D藥少不免都會影響肝腎, 既然都只係幫到小部份, 我都決定照番舊路行; 利用聞氣, 食療, 自然療法等等, 再唔得先用藥啦, 起碼唔係長期依賴, 都好D嘛!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
 |
| 除咗影相時間, 我係全程扶住佢條頸, 等佢無得'fing‘ |
 |
| 呢條脷仔嘅色就麻麻喇, 一路ha ha ha , 唔敢浸咁耐買佢怕! |
今日幫豆b浸微泡浴, 困籠咁耐佢又成日瞓上片片, 成身尿味我真係好難忍, 見佢穩定D都係要洗白白喇!
浸微泡有個好處係我唔使點郁, 可以全程用雙手定住佢個頭仔, 佢無得'fing‘來'fing’去:)
同佢略為修短D毛毛, 唔敢攪太耐, 怕咗佢喇 :P
 |
| 成個舒服晒 :) |
關於波波同達達打針位嘅腫塊, 我跟住順勢療法醫生嘅指示去做, 一日後好似真係有D效, 達達腫塊嘅面積範圍細咗, 波波就扁平咗少少啦!
再做再觀察, 如果真係有效, 呢個係比我最實質嘅見証, 呢個治療嘅效力, 因為其他都好似虛無飄渺, 好難定奪個療效!
不過我仍信任呢個療法, 之前兩次豆b喘氣, 我比佢食PET CALM, 好快佢有calm down, 氣喘停咗喇!
還好豆b喘氣大都因為佢緊張、興奮, 只要佢安靜就ok喇; 當然天氣都影響好大, 近日如果唔開冷氣, 佢一定氣喘啦; 好彩佢只係需要冷氣都易辦, 要氧氣就麻煩 ;)
 |
| 沖涼剪毛就氣都喘晒,伸到脷仔長埋, 好彩顏色靚番！ |
