 |
| 睇嚟都要訂做張高D嘅餐台比佢哋喇, 彎得好似好辛苦咁 :( 相片連結 |
今日好凍, 琴晚深夜都聽到出面好大風!
我好耐之前都開始開晒暖爐, 怕咗幾隻豬仔頂唔順咁凍!
豆b一向都怕凍, 琴日已經同佢著咗羊毛, 諗住貼身包住唔會凍, 點知佢都要鼻仔吹波波, 又要出動埋佢件披風!
不過呢隻女好聰明, 佢識揀地方瞓, 唔暖嘅地方佢都唔會逗留!
波波又唔肯著衫, 著咗衫佢個樣就好驚咁, 可能佢覺得束縛, 以為係一種懲罰, 每次同佢著衫佢都唔開心, 會匿埋喺床仔入面唔肯出嚟!
波波唔著衫唔知係咪冷親, 佢食完午飯就嘔, 唔理佢鍾唔鍾意喇, 都要同佢著番衫!
一著咗衫佢就變咗隻死狗咁樣喇, 郁都唔郁, OK, 仲好, 休息吓啦!
達達豬就唔使講都要著衫啦, 但要揀一件適合佢嘅衫都唔容易!
首要質地柔軟, 唔可以磨損皮膚, 佢少咗毛毛保護嘛; 又要保暖, 著普通cotton唔夠暖啦, 仲要舒服, 一整日著住件衫, 如果唔舒服都幾慘架!
左揀右揀, 終於揀咗件原本買比波波嘅衫, 符合晒以上嘅條件, 雖然比較男性化, 但無所謂啦!
達達豬雖然甩毛甩髻, 但最活躍, 成日兩頭跑, 成個牛黃妹!
今早天文台錄得今年入冬以來最低溫度, 唔怪得今早見到整個窗滿晒水霧, D水滴濕晒個窗台!
即係外面氣溫同室內相差好大, 諗都唔使諗同佢哋去街街喇!
其實室內真係唔凍, 點解呢幾隻豬都唔耐寒? 唔通真係體形細小比較難保溫?
今日煲咗紅蘿蔔海帶湯, 都啱佢哋飲, 對twins好快飲晒, 就係隻達達豬唔吼; 佢本來飲湯都係慢半拍, 自從飲過補肝湯後, 其他佢騷都唔騷添, 又要餵喇!
好彩3餐就無問題; 今日又到排毒餐嘅時間, 今次改用紫色蕃薯, 佢哋好快食晒 :)
服侍呢幾隻豬真係好似湊住幾個小bb呢 :)多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
