 |
| 希望適合達達, 令佢行氣活血, 活化生毛嘅細胞！ |
今日拎到薑黃素喇, 真係要好多謝V嘅幫忙, 佢唔只幫我從美國訂番嚟, 仲幫我搵埋資料, 睇書check過究竟達達要食幾多份量先啱! 我哋決定由一個較低嘅份量開始, 睇吓反應係點先, 咁比較安全!
依家要set一個時間表, 仲要set埋鬧鐘, 因為想D supplement隔開, 唔好咁亂; 又要定時同隻豬女搽油按摩, 呢個關鍵嘅兩星期真係邊度都唔駛去喇, 不過但求效果良好, 咁犧牲少少又有乜緊要呢!
達達剪短咗背部嘅毛毛, 一定要著衫衫喇, 不過唔剪留住D死毛都係唔會靚, 諗落都係要剪! 反正頭仔手腳我都無剪到, 著住衫佢都仲係隻可愛嘅小豬嘜 :)
好慶幸達達算得上好合作, 餵佢食咩supplement佢都受落, 唔會左擰右擰個頭仔; 有狗友話佢狗狗咩都好難餵, 咁令我諗起安安, 佢都係一樣, 要餵佢食藥真係好似搏鬥咁, 一個唔該會比佢一啖咬落嚟:(
食藥乖嘅小朋友係咪要咁慘, 成日要同呢D 瓶瓶罐罐為伍? 想當日叻叻都係好乖仔, 餵藥永無麻煩; 希望達達豬唔駛永遠都拖住咁多牽叛, 不過我決定試一段時間, 再無效果就將呢類supplement通通撤開!
 |
| 著住衫都ok啦, 都靚女 :) |
 |
| 後面D毛毛搽咗油噠埋晒 :P 唔駛聞啦, 媽媽試過喇, 係唔好味架 :( |
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
